Kusari-Lila për kandidimin e Vjosa Osmanit: Paralajmërim i një etape të re të Kosovës

Kusari-Lila për kandidimin e Vjosa Osmanit: Paralajmërim i një etape të re të Kosovës

Ish-deputetja dhe themeluesja e Alternativës, Mimoza Kusari-Lila ka mirëpritur kandidimin e Vjosa Osmanit për kryeministre.

Kusari-Lila përmes një postimi në Facebook, ka shkruar se “kandidimi i Vjosës ka shumë simbolika, por më e rëndësishmja është ajo e paralajmërimit të një etape të re të Kosovës, asaj të vlerave, barazisë dhe drejtësisë; etapës së shumë pritur nga shumica e qytetarëve të Kosovës”.

Postimi i plotë:

Lufta për barazi gjithmonë është lufta për mundësi të barabartë. Është luftë dhe përpjekje për t’u mos mohuar e drejta gruas dhe vajzës për shkak të gjinisë së saj.

Kjo betejë për barazi dhe mundësi të barabartë u fitua dje në Lidhjen Demokratike të Kosovës me kandidimin e Vjosa Osmanit për Kryeministre nga kjo parti.
Dhe ashtu siç e kërkuam gjithmonë, fitorja ishte e përbashkët, e burrave dhe grave. E Vjosës në emër të gjysmës së popullatës që përfaqëson, por edhe e Kryetarit Mustafa dhe Lutfi Hazirit që dolën krah saj. LDK e bëri ashtu si duhet të bëhët, bashkë dhe me një zë.

Kandidimi i Vjosës ka shumë simbolika, por më e rëndësishmja është ajo e paralajmërimit të një etape të re të Kosovës, asaj të vlerave, barazisë dhe drejtësisë; etapës së shumë pritur nga shumica e qytetarëve të Kosovës.

Dje dhe mbrëmë u dhanë shumë komente: a bëri Vjosa koncenzus në parti? A do të mund të jetë Kryeministre e fortë dhe e pavarur në vendimarrje?
Vjosës iu cituan edhe fjalët e thëna për Kryetarin e partisë dhe zënkat brenda LDK-së. Krejt këto valide, por jo të domosdoshme për momentin.
Momenti është i Vjosës dhe i vajzave që do të inkurajohen të shpresojnë dhe guxojnë të veprojnë, pasi do ta dijnë se një prej tyre ia doli me betejë.
Shumë kompromise bënë burrat me muskuj në politikën tonë. Beteja dhe konflikte shumë më të ashpëra patën mes vete, për t’i harruar pastaj të gjithat vetëm për të ardhë te pushteti.

Jam e bindur se as për së afërmi as nuk i bëri dhe kurrë nuk do t’i bëjë Vjosa këto kompromise në karrierë.

Andaj, relaksohuni dhe besoni se me të vërtetë një grua ia doli të marrë besimin e burrave dhe grave në partinë e saj për mundësinë e barabartë të garoj për Kryeministre në bazë të meritave të saj.

Gara do të jetë shumë më me vlerë dhe interesante me Vjosën pjesë e saj.

Ditë e bukur dhe e mbarë ishte dje për Kosovën dhe barazinë në Kosovë. /Telegrafi/

Kryetarja e Alternativës dhe deputetja Mimoza Kusari tregon me kë pritet të bëjnë koalicion dhe për kënd kanë vija të kuqe

Kryetarja e Alternativës dhe deputetja Mimoza Kusari tregon me kë pritet të bëjnë koalicion dhe për kënd kanë vija të kuqe

Qëndrimet pro ekipit negociator kanë ndikuar që Ilir Deda, një nga themeluesit e partisë Alternativa, të distancohet po nga kjo parti, pasi që anëtarët e tjerë kishin qenë kundër, duke përfshirë edhe kryetaren Mimoza Kusari-Lila.

Kryetarja e Alternativës, Mimoza Kusari-Lila, në një intervistë për KosovaPress, ka deklaruar se kryesia e partisë nuk e ka mbështetur ligjin për dialogun dhe ekipin negociator, por që nënkryetari Ilir Deda kishte qenë pro.

Ajo thotë se vendimi i Gjykatës Kushtetuese, tregon se kush ka vepruar në mënyrë të duhur.

Kusari tha se Deda ka qenë vetëm në një mbledhje të kryesisë kur është diskutuar e ardhmja e subjektit në raport me bashkëpunimin me partitë tjera, ndërsa në mbledhjet tjera nuk ka marrë pjesë.

Ajo potencon se Alternativa është duke e vazhduar aktivitetin e saj, teksa ka folur për vështirësitë të cilat po i hasin.

Ajo ka treguar se Lidhja Demokratike e Kosovës që nga shtatori i vitit të kaluar ka ndalur fondin e demokratizimit për Alternativën, si rrjedhojë e daljes së saj dhe deputetit Ilir Deda nga grupi parlamentar i LDK-së.

Ajo ka treguar se nga kryetari i LDK-së, Isa Mustafa, i është vendosur kushti se nëse dëshirojnë fondin duhet të kthehen në grup parlamentar, e për këtë Kusari thotë se është absurde.

Alternativa në zgjedhjet e fundit ka kandiduar në një listë me LDK-në, e në rast të zgjedhjeve të reja, Kusari tregon se për kë kanë vija të kuqe.

Ajo është shprehur e bindur se nëse partitë opozitare bashkëpunojnë suksesi në zgjedhje nuk do të mungojë./KosovaPress/

Kryetarja e Alternativës dhe deputetja e Kuvendit të Kosovës në cilësinë e kryesueses të grupit të miqësisë Kosovë – Kanada

Kryetarja e Alternativës dhe deputetja e Kuvendit të Kosovës në cilësinë e kryesueses të grupit të miqësisë Kosovë – Kanada

Kryetarja e Alternativës dhe deputetja e Kuvendit të Kosovës në cilësinë e kryesueses të grupit të miqësisë Kosovë – Kanada, bashkë me Ambasadorin jo rezident z. Daniel Maksymiuk ishin mysafirë në Rtk-Live për të folur për bashkëpunimin Kosovë – Kanadë dhe të arriturat e deritashme.
Sot është edhe dita e Kanadës, andaj Alternativa uron të gjithë shtetasit e këtij vendi mik në ditën e tyre.
#HappyCanadaDay
#KosovoCanadaFriendship

 

RTK3 – AKTUAL – 01.07.2019

RTK3 – AKTUAL – 01.07.2019Përshëndetje dhe mirë se vini në emisionin AKTUAL. Edicionin e zhvillojmë në studion e kanalit të tretë të televizionit publik të Kosovës. Sot do të bisedojmë për marrëdhëniet diplomatike ndërmjet Kosovës dhe Kanadasë, bashkëpunimi ekonomik mes dy shteteve dhe për ndihmën që Kanadaja ia ofron Kosovës në arenën ndërkombëtare. Po ashtu do të flasim edhe për ditën kombëtare të Kanadasë që festohet më 1 korrik . Të gjitha këto do t’i bisedojmë me ambasadorin jorezident të Kanadasë në Kosovë, shkëlqesinë e tij Daniel Maksymiuk dhe me deputeten Mimoza Kusari Lila – kryesuese e grupit të miqësisë Kanada-Kosovë në Kuvendin e Kosovës.

Posted by RTK on Monday, 1 July 2019

Kryetarja e Alternativës dhe deputetja e Kuvendit të Kosovës Mimoza Kusari, mori pjesë në konferencën Ever Green Kosovo.

Kryetarja e Alternativës dhe deputetja e Kuvendit të Kosovës Mimoza Kusari, mori pjesë në konferencën Ever Green Kosovo.

Kryetarja e Alternativës dhe deputetja e Kuvendit të Kosovës Mimoza Kusari, sot mori pjesë në konferencën Ever Green Kosovo e organizuar nga OJQ Let’s do it Kosova dhe zyrja e Kombeve të Bashkuara në Kosovë.

Në panelin për sfidat mjedisore dhe zgjidhjet nga bashkëpunimi publiko/privat Kryetarja Kusari – Lila, prezantoi domosdoshmërinë e vendosjes së
politikave mjedisore në qendër të politikave zhvillimore.

“Vetëm atëherë mund të kemi zhvillim të qëndrueshëm, gjithëpërfshirje dhe do të hapnim potencialin e pashfrytëzuar për zhvillim kreativ të sektorit privat”, theksoi Kusari – Lila.

“Me qeverisjen aktuale, sfida kryesore në Kosovë është dakordimi për prioritete dhe koordinimi i përgjegjësive dhe veprimeve midis akterëve institucional. Grupi i deputetëve të gjelbërt synon monitorimin e legjislacionit aktual dhe propozimet për legjislacionin e ri bashkë me kërkom llogaridhënie nga institucionet përgjegjëse për çështjet mjedisore”, vazhdoi më tutje deputetja e Kuvendit të Kosovës.

Kjo konferencë vazhdoi punën me ndarje në grupe punuese dhe nxjerrje të rekomandimeve për institucionet e vendit.

Kusari-Lila: Arsyeja pse jemi të maleve është sepse i kemi më të bukurat në botë

Kusari-Lila: Arsyeja pse jemi të maleve është sepse i kemi më të bukurat në botë

Kusari-Lila: Arsyeja pse jemi të maleve është sepse i kemi më të bukurat në botë

Kryeministres serbe Ana Bërnabiq, që quajti politikanët kosovarë “të zbritur nga mali”, i ka reaguar edhe kryetarja e Alternativës Mimoza Kusari-Lila, e cila njihet për kohën e shumtë që kalon duke vrapuar e duke vizituar malet e Kosovës.

“Asnjëherë nuk do të arrijë #AnaBernabić të kuptoj pse “jemi njerëzit e maleve” të Kosovës. Arsyeja është, kemi malet më të bukura në Botë #AlpetShqiptare. Kur #Brnabić ta hap kokën e ta pranon krimin që shteti i saj e ka bërë në këta “njerëz të maleve”, ndoshta edhe i rastis me ardhë me i pa dhe me kërku falje për krimet e bëra. Deri atëherë, veç në foto që po ja përcjellim t’i shijon pak. Me krenari, #VajzaEMalësisë”, ka shkruar Kusari-Lila në facebook.

Kryetarja e Alternativës Mimoza Kusari morri pjesë sot në panelin: Gratë në biznes

Kryetarja e Alternativës Mimoza Kusari morri pjesë sot në panelin: Gratë në biznes

Me organizimin e zyrës së Bashkimit Evropian në Kosovë dhe koalicionit për të drejta të barabarta për të gjithë #ERAC (Equal Rights for All Coalition), Kryetarja e Alternativës dhe deputetja e Kuvendit të Kosovës, Mimoza Kusari morri pjesë sot në panelin: Gratë në biznes.
Në adresimin e saj në panel Kryetarja, Kusari – Lila prezantoi përvojën e saj gjatë propozimit të kuotës gjinore për Bordet e shoqërive aksionare në Ligjin për Shoqëritë tregtare.

Neni për përfshirjen e kuotës në Bordet e SH.A. përkundër se nuk mori as mbështetjen e Komisionit funksional, u mbështet nga deputetët në seancën plenare, për t’u rikonfirmuar kjo mbështetje edhe një herë pas përdorimit të vetos nga ana e Presidentit Thaçi dhe kthimit të projektligjit në seancë.

”Te trajtimi i përfshirjes së grave në Bordet e shoqërive aksionare ka pasur kundërshti edhe nga një numër i organizatave të biznesit, por prapë Ligji për Shoqëritë tregtare në Kosovë, ka kuotë dhe ajo është në fuqi qe një vit.
Për dy vitet e para kuota gjinore për Bordet është 40% ndërsa prej vitit 2020 kuota është 50%. Përpjekjet për barazi duhet vazhduar dhe barazia dhe përfaqësimi në ekonomi janë domosdoshmëri për një shoqëri të zhvilluar”, ceku znj. Kusari – Lila në fjalimin e saj.