Kryetarja e Alternativës, deputetja znj. Mimoza Kusari-Lila, para nisjes së vazhdimit të seancës së Kuvendit të Kosovës, të premten ka folur rreth nevojës për një qasje konstruktive, pasi siç ka thënë ajo, inati nuk të çon askund.
“Inati nuk sjell asnjëherë, asnjë rezultat. Bazimi në inat, në urrejtje, në kundërshti nuk prodhon pozitivitet. Mund të ketë ndonjë efekt afatshkurtër, por vetëm vizioni i qartë, zbatimi i Kushtetutës dhe respektimi i mandateve që i kemi marrë nga qytetarët mund të sjellë rezultat pozitiv për vendin”, deklaroi Kusari-Lila.
