Në konferencë për media pas takimit që patën të shtunën me liderin e Vetëvendosjes, Albin Kurti, kryetarja e Alternativës znj. Mimoza Kusari-Lila ka thënë se pretendimi i opozitës se votimi i fshehtë shkel Kushtetutën është i pasaktë.
“Në asnjërin nga paragrafët nuk është e specifikuar se mbarëvajtja e seancës konstituive ka shënuar shkelje kushtetuese”, ka thënë ajo.
Kryetarja Kusari-Lila ka theksuar se ka propozuar për ta hedhur në votim çështjen e asaj se si duhet të procedohet tutje, pra për mënyrën e votimit, por as këtë ofertë nuk e kanë pranuar partitë që në legjislaturën e kaluar ishin në opozitë.
