Me rastin e 25 vjetorit të rrëmbimit të antarëve të familjes Qerkezi, kryetari i degës së Alternativës, njëherit Zëvendës Ministri i Financave, Punës dhe Transfereve, Agon Dobruna, bashkë me antarët e kryesisë së Alternatives, vizituan shtëpinë muze të familjes Qerkezi, ku u pritën nga nëna Ferdonije.
Me këtë rast, kryetari Dobruna shprehu mirënjohjen për qëndresen e nënës Ferdonije duke e quajtur heroinë të durimit dhe forcës.
Në anën tjetër, znj. Ferdonije Qerkezi, gruaja dhe nëna e martirëve të kombit, tha se ndjehet e lehtësuar me vizitat që i bëhen sidomos në datën që ia përkujtojnë tragjedinë e familjes.
