Në prag të zgjedhjeve lokale 2025, është bërë e dukshme një praktikë e padrejtë dhe e rrezikshme për demokracinë në vendin tonë: mediat po vendosin kush është kandidat “i denjë” apo “interesant” për t’u përballur në debate, intervista dhe emisione publike. Shpesh këto emisione shndërrohen në programe zbavitëse, por tragjedia është se ato ndikojnë drejtpërdrejt në formimin e opinioneve të qytetarëve të zakonshëm, të cilët nuk merren përditë me politikë apo administrim publik. Në garën për kryetar të Komunës së Prishtinës janë regjistruar dhjetë kandidatë, secili me të drejtën legjitime për të paraqitur programin dhe vizionin e tij. Megjithatë, vetëm tre ose katër – në rastin më të mirë pesë – po favorizohen dhe ftohen rregullisht në debate, ndërsa të tjerët injorohen parcialisht ose krejtësisht. Kjo krijon një standard të dyfishtë dhe një praktikë të rrezikshme të ekskluzivitetit, nën petkun e kinse fjalës së lirë dhe të fushatës së barabartë. Në vend se qytetarët të dëgjojnë të gjitha alternativat dhe të zgjedhin vetë, mediat po u japin hapësirën vetëm partive të mëdha dhe kandidatëve me mbështetje të fuqishme financiare e politike. Kjo jo vetëm që cenon barazinë në garë, por edhe deformon klimën demokratike, duke e lidhur rezultatin elektoral më shumë me pushtetin e parasë dhe të mediave sesa me vullnetin e lirë të qytetarëve. Kjo qasje është e papranueshme. Demokracia nuk është pronë e partive të mëdha apo e sponsorëve të tyre. Demokracia është e qytetarëve. Ajo matet me barazinë e secilit kandidat për të paraqitur idetë e tij dhe me të drejtën e qytetarëve për të marrë vendime të mirëinformuara, me një pasqyrë të plotë të alternativave politike. Përjashtimi i kandidatëve dhe heshtja mediatike nuk janë vetëm padrejtësi politike, por edhe cenim i drejtpërdrejtë i lirisë së qytetarëve. Prandaj dua të jem i qartë: fuqia është në duart e qytetarëve. Vota juaj është arma juaj demokratike. Mos lejoni që ajo të manipulohet nga paraja, nga propaganda apo nga përjashtimi i qëllimshëm. Ju jeni ata që vendosni kush do të qeverisë Prishtinën. Ky mesazh nuk është defetist. Përkundrazi: ne jemi të bindur se qytetarët që dëgjojnë Alternativën dhe ofertën tonë të liberalizmit për Kosovën dhe Prishtinën, do të dalin dhe do të votojnë për të drejtën e tyre – për një votim të mirëinformuar, të pandikuar, me shanse të barabarta për të gjithë. Vendimi final i takon qytetarit të lirë, të informuar, të pashantazhuar dhe të pamanipuluar – qytetarit që më 12 tetor, si sovran i këtij shteti dhe i këtij qyteti, do të marrë vendimin për qeverisjen e Prishtinës në katër vitet e ardhshme.

Kandidatët për Asamble nga Alternativa-Prizren, Besnik Dauti, Ymer Rogova, Ajtene Krasniqi, Mynir Dukagjini, Elvira Muharremi, Hysni Lubiqeva dhe Arijet Ahmeti, të prirë nga kryetarja e Alternativës znj. Mimoza Kusari -Lila, vizituan qytetin e Prizrenit dhe fshatin Krushë e Vogël, ku ndanë mesazhe shprese dhe dëgjuan nga afër qytetarët. Në Krushë të Vogël u nderua sakrifica e martirëve, kujtesë e gjallë e lirisë dhe obligim për të ardhmen. Po ashtu, në Prizren u vizitua zonja Ater Koro, shembull i fuqisë së gruas dhe i pavarësisë ekonomike. “Alternativa Liberale mbetet e përkushtuar të mbështesë gratë dhe bizneset e vogla e të mesme, si motor të zhvillimit të qëndrueshëm”, është shprehur Kusari-Lila.

Merkur Beqiri, kandidati i Alternativës për kryetar të Prishtinës, u takua me përfaqësues të Shoqatës së bizneseve të vogla, kiosqeve e biznese të tjera lokale. Ky takim solli në pah sfidat dhe nevojat e tyre, por edhe forcën e bashkëpunimit. Çdo zë e çdo histori është pjesë e mozaikut të Prishtinës sonë. Beqiri theksoi se qyteti ynë ka nevojë për politika që i japin hapësirë zhvillimit dhe dinjitet çdo biznesi të vogël. Me politikat e Alternativës bizneseve do t’u lehtësohet qasja e të bërit biznes në komunën e Prishtinës.

“Në Prizrenin e bukur është gjithmonë kënaqësi të rikthehem e të flas për ndryshimin që ky qytet i Lidhjes e meriton”, kështu ka thënë kryetarja e Alternativës znj. Mimoza Kusari-Lila gjatë takimeve që ka pasur me banorët e kësaj ane. Në takim me gratë e qytetit dhe banorët e Krajkut, kanë ndarë ide për të ardhmen. Është konfirmuar mbështetje e plotë për kandidatin dhe kryetarin e ardhshëm të Prizrenit, Artan Abrashi (105 ) si dhe për listën e Alternativës në Kuvendin Komunal (103).

Tetori, muaji rozë, na kujton rëndësinë e kujdesit dhe kontrollit të rregullt për parandalimin e kancerit të gjirit. Alternativa përmes videos sensibilizuese bashkohet me këtë thirrje duke sjellë me dashuri e kreativitet një mesazh të thjeshtë, por jetik: kujdesi shpëton jetë.

Zv. Ministri i Zhvillimit Rajonal z. Ali Tafarshiku së bashku me kryetarin e Komunës së Podujevës, z. Shpejtim Bulliqi, dhe bashkëpunëtorë nga Ministria e Zhvillimit Rajonal, u vendos gurëthemelin i sallës së sporteve në fshatin Gllamnik. Zëvendësministri i Zhvillimit Rajonal, z. Ali Tafarshiku, përfaqësues i Alternativës, theksoi rëndësinë e investimeve të tilla për komunitetin lokal. Ky projekt, i bashkëfinancuar nga Ministria e Zhvillimit Rajonal me vlerë prej 250,000 euro, shënon investimin e tretë të këtij dikasteri brenda dy viteve të fundit në Komunën e Podujevës, pas projektit të Stacionit të Autobusëve dhe Tregut të qytetit.

Alternativa po e adapton programin duke u pajtuar me kërkesat dhe nevojat e banorëve në komunat në të cilat garojmë. Siç e ka theksuar edhe kryetarja e Alternativës, znj. Mimoza Kusari-Lila, programi i Alternativës është thellësisht liberal dhe i përshtatet qytetarëve të Kosovës, duke reflektuar aspiratat dhe sfidat e tyre të përditshme. Objektivat në të cilat do të realizohet programi i Alternativës janë: Ekonomia e Gjelbert Inovacioni Infrastruktura Turizmi Qeverisja e mire Punëtoria ka për qëllim të përshtatë çdo fushë të programit me kërkesat e qytetarëve, sepse mirëqenia dhe jeta e tyre është prioriteti ynë. Ne jemi këtu për të sjellë ndryshim, për t’i dhënë zë qytetarëve dhe për të ndërtuar një të ardhme më të mirë për të gjithë.

Alternativa hyn në zgjedhjet lokale të 12 tetorit me besim dhe shpresë për të sjellë ndryshim e frymë të re. Në Prishtinë, Alternativën e përfaqëson kandidati për kryeqytetin, Merkur Beqiri, i cili garon i mbështetur nga një listë prej 19 kandidatësh të përgjegjshëm për Asamble. Ky ekip i përkushtuar synon të dëshmojë se për Alternativën barazia nuk është vetëm një synim, por një realitet i prekshëm. Alternativa beson në forcën e qytetarëve, në idetë e reja dhe në krijimin e një të ardhmeje më të mirë për të gjithë.

Alternativa në Pejë, e udhëhequr nga kandidati për kryetar të komunës, Dr. Reshat Nurboja, garon në zgjedhjet e 12 tetorit me 12 kandidatë për asamble komunale. Synimi i tyre është që Peja të kanalizohet në rrugë të mbarë, ku kandidatët e Alternativës do të angazhohen fuqishëm për mbrojtjen e interesit të banorëve dhe për sjelljen e vlerave liberale në qeverisjen lokale.

Alternativa do të garojë në zgjedhjet e 12 tetorit në Komunën e Gjakovës me një listë prej 32 kandidatëve për Asamblenë Komunale. Këta kandidatë janë të përkushtuar të mbrojnë vlerat e Alternatives liberale dhe interesat e qytetarëve, duke dhënë kontributin e tyre për zhvillimin dhe të ardhmen e Gjakovës.