Alternativa, si parti liberale, do të garojë në zgjedhjet e 12 tetorit edhe në Komunën e Prizrenit. 10 kandidatë të përgjegjshëm, zotohen të mbrojnë interesat e qytetarëve, duke u përfaqësuar me dinjitet dhe duke sjellë vlera të veçanta në Asamblenë Komunale të Prizrenit.

Alternativa do të garojë në zgjedhjet e 12 tetorit edhe në Komunën e Mitrovicës së Jugut, ku 21 kandidatë do të përfaqësojnë qytetarët në Asamblenë Komunale. Ata do të jenë zëri i qytetarëve, duke mbrojtur interesat dhe duke punuar për zhvillimin e kësaj komune.

Komuna e Mitrovicës së Veriut do të garojë në zgjedhjet e 12 tetorit me 13 kandidatë për Asamblenë Komunale si pjesë e Alternativës. Këta kandidatë do të përfaqësojnë qytetarët në procesin vendimmarrës dhe në zhvillimin e politikave lokale për të ardhmen e komunës.

Dr.Sc. Reshat Nurboja, nënkryetar i Alternativës dhe kryetar i degës në Pejë, është kandidat për të udhëhequr komunën me vizion, përvojë dhe integritet. Kush është Dr. Reshat Nurboja? Ekspert i Shkencave Politike dhe Marrëdhënieve Ndërkombëtare Profesor universitar në disa institucione të arsimit të lartë Autor librash shkencorë dhe publicistikë Aktivist i hershëm politik dhe themelues i Partisë Republikane të Kosovës Përvoja institucionale Me katër dekada përkushtim në jetën politike dhe institucionale, Reshati ka mbajtur pozita kyçe në nivel lokal dhe qendror: Këshilltar Politik i Kryetarit të Kuvendit të Kosovës Zëvendësministër në Qeverinë Kurti 1 (2020) Drejtor i Administratës në Komunën e Pejës Drejtor i Teatrit “Istref Begolli” në Pejë Kontributi publik dhe kulturor Aktiv në jetën akademike dhe kulturore të Pejës Koordinim me organizata ndërkombëtare si ILO dhe NDI Përkushtim i vazhdueshëm ndaj qytetarëve dhe vlerave demokratike Vizioni për Pejën Reshat Nurboja sjell përvojë të gjithanshme dhe një vizion të qartë për një Pejë të zhvilluar, gjithëpërfshirëse dhe me orientim modern – duke i dhënë qytetit rritje, stabilitet dhe drejtim të ri.

Merkur Beqiri është inxhinier me mbi tri dekada përvojë profesionale në fusha që përfshijnë digjitalizimin, inteligjencën artificiale, arsimin dhe menaxhimin e krizave. Karriera e tij përfshin punë në më shumë se 15 shtete të botës, si dhe bashkëpunime me organizata të njohura ndërkombëtare si UNHCR, WHO, FAO dhe Banka Botërore. Përvoja dhe kontributi profesional Nisma pioniere në digjitalizimin e gjuhës shqipe dhe edukimin teknologjik. Përvojë e gjerë në arsim, që nga vitet ’90, duke kontribuar në ndërtimin e kapaciteteve brenda dhe jashtë vendit. Angazhim i çmuar gjatë pandemisë COVID-19, duke ndihmuar në shpëtimin e jetëve dhe menaxhimin më të mirë të resurseve. Ekspertizë në menaxhimin e emergjencave, hartimin e politikave zhvillimore dhe udhëheqjen e operacioneve të ndërlikuara ndërkombëtare. Vlerë për Prishtinën dhe Kosovën Përvoja e Merkur Beqirit përfaqëson një aset të rëndësishëm për platformën politike të Alternativës, duke sjellë vizion për një Kryeqytet efikas, të gjelbër dhe të drejtë. Merkur Beqiri ka dhënë kontribut të rëndësishëm në ndërtimin e kapaciteteve vendore dhe ndërkombëtare, përfshirë punën e tij në arsim gjatë viteve ’90, nisma pioniere në digjitalizimin e gjuhës shqipe dhe edukimin teknologjik. Kontributi i tij gjatë krizave humanitare, veçanërisht gjatë pandemisë COVID-19, është vlerësuar nga komuniteti profesional dhe ndërkombëtar, duke ndihmuar në menaxhimin më të mirë të resurseve dhe shpëtimin e jetëve. Merkur Beqiri sjell me vete mbi tri dekada përvojë profesionale duke bashkëpunuar me agjenci të njohura të Kombeve të Bashkuara si UNHCR, ËHO, FAO dhe Banka Botërore. Përvoja e tij në menaxhimin e emergjencave, hartimin e politikave zhvillimore dhe udhëheqjen e operacioneve të ndërlikuara është një vlerë e veçantë për platformën tonë politike, për Kosovën si shtet dhe për Prishtinën si kryeqytet.

Z. Merkur Beqiri, kandidat për kryetar të komunës së Prishtinës nga “Alternativa”, ka prezantuar pesë shtyllat kryesore të programit të tij qeverisës me kryeqytetin. “Kam parë në shumë vende se si zgjidhen problemet ndryshe dhe si jetohet ndryshe. Këto përvoja më kanë bërë që të vrojtoj se çka po ndodh në Prishtinë dhe me keqardhje jo vetëm gjatë katër vjetëve të fundit, por gjatë 15 vjetëve të fundit unë vetëm kam parë që Prishtina po merr drejtim jo të duhur në zhvillimin e saj. Ne Prishtinën duhet ta bëjmë kryeqytetin më të jetueshëm në Ballkanin Perëndimor. Për ta arritur këtë vizion ne kemi ndërtuar pesë shtylla që lejojnë të merret një drejtim i progresit. E para ka të bëjë me stabilitet dhe siguri, shtylla e dytë ka të bëjë me shëndetësi dhe mjedis, e treta me kulturë, art dhe arsim, më pas sportin dhe mirëqenie, dhe e fundit infrastruktura dhe shërbimet publike”, ka thënë ai në emisionin “038” në KTV. Kur ka folur për mbeturinat Beqiri ka theksuar se, është ndër problemet më të mëdha me të cilat përballet kryeqyteti. “Është problem shumë i madh, por është pasojë e mungesës së menaxhimit, e mungesës së vullnetit të grupacioneve politike që të zgjidhet ky problem. Duhet ridizajnuar komplet sistemi i grumbullimit të mbeturinave, të modernizohen kontejnerët, të shtohet numri i tyre, të arrihet të synohet që të bëhet riciklimi i tyre dhe të bëhet vetëdijesimi i popullatës. Fushata duhet të ndikojë në ngritjen e vetëdijes, por duhet të bëhet edhe ndëshkimi i mirëfilltë e këtu kërkohet rritja e numrit të shërbimeve të inspektoratit dhe bashkëpunimi me policinë lokale”, ka thënë ai. Sa i përket trafikut, ai ka përmendur nevojën për numër më të madh të autobusëve. “Problemi mund të zgjidhet, ka nevojë për zgjidhje afatshkurtra, afatmesme dhe afatgjatë. Në afatshkurtër duhet të rivitalizohet granti prej 10 milionë eurosh që është premtuar 30 autobusë modernë dhe që nuk po vijnë për shkak të gjetjes negative në auditimin e qeverisjes së tanishme. Duhet të përforcohet flota. Duhet të rishikohet dhe ridizajnohet i gjithë sistemi i itinerarëve të autobusëve të tanishëm”, është shprehur ai.

Alternativa hapi fushatën zgjedhore për zgjedhjet lokale në Kosovë – një fushatë që sjell frymë të re dhe vizion modern për komunat tona. Kryetarja e Alternativës, znj. Mimoza Kusari Lila u shpreh krenare për prezantimin e një plani dinamik, të bazuar në teknologji dhe vendimmarrje transparente, që i përgjigjet trendeve dhe nevojave të kohës. Mjedisi – qytete më të gjelbra e më të pastra, me energji të qëndrueshme dhe hapësira publike cilësore. Kultura dhe sporti – mbështetje për talentet e reja dhe më shumë mundësi për komunitetin. Edukimi – shkolla moderne dhe të lidhura me teknologjinë, për një brez të përgatitur për sfidat e së ardhmes. Punësimi i të rinjve – nxitje për inovacion, sipërmarrje dhe zhvillim ekonomik. Kujdesi për të moshuarit – shërbime sociale më të mira dhe respekt për dinjitetin e tyre. Në ditët në vijim, Alternativa do të jetë pranë qytetarëve në Prishtinë, Pejë, Gjakovë, Mitrovicë dhe Prizren, për të diskutuar detajet e programit. Alternativa është zëri i ndryshimit, ura mes brezave dhe garancia për komunat që zhvillohen sipas standardeve të kohës. Koha e ndryshimit është tani. Koha e Alternativës është tani. https://www.facebook.com/AlternativaKosova/videos/762171833111714

Gjakova me zemrën e madhe që ka, mirëpriti kandidatët për asamble komunale nga Alternativa dhe Vetëvendosje. Edhe një herë iu dha mbështetje e pakursyer e përbashkët për kandidatin për kryetar të komunës, prof. Ardian Gola. Kryetarja e Alternativës znj. Mimoza Kusari Lila dhe Kryeministrit të Republikës së Kosovës z. Albin Kurti, u shprehën se, për Gjakovën po hapet kapitulli i ri i fitores, zhvillimit dhe angazhimit qytetar. Ndërsa kandidati për kryetar z. Ardian Gola pasi shprehu mirënjohje të thellë ndaj përkrahësve dhe gjithë qytetarëve të komunës së Gjakovës tha se ndihet me fat dhe dhe se ka pranuar me shumë përgjegjësi kandidaturën. Fjala e plotë e kryetares së Alternativës znj. Mimoza Kusari Lila: Të dashur qytetarë të komunës së Gjakovës, Të dashur vepritarë e aktivist të Alternativës e Lëvizjes Vetëvendosje, I nderuar Kryeministër i Republikës së Kosovës, kryetar i Lëvizjes Vetëvendosje, z. Albin Kurti, I nderuar kolegë e bashkëpunëtor, kryetar i ardhshëm i Komunës së Gjakovës, Ardian Gola, Bashkëpunëtorë, kolegë deputetë e Ministra, Ministre Nagavci, dr. Drita Buza, kryetar i qendrës së LVV Agon Batusha, Kandidate e kandidatë për Kuvendin Komunal të Gjakovës, bashkëpunëtorë të ardhshëm të Kryetarit Ardian Gola, Jam para jush sonte me një ndjenjë të veçantë të mirënjohjes, përulësisë dhe vlerësimit për ju që na qëndruat e vazhdoni të na qëndroni afër për një dekadë e gjysmë! Aktualisht në Kosovë, pa u përmbyllur rezultati i një palë zgjedhjeve paraprake, atyre të nivelit nacional, po hyjmë në një proces të zgjedhjeve lokale. Megjithatë, për dallim nga kompleksiteti i zgjedhjeve nacionale, historia jonë e re e tregon se zgjedhjet lokale janë më të kjarta në rezultatin e tyre dhe procesi përmbyllet shumë më shpejt. Ju të nderuar qytetarë, e keni në dorën tuaj të tregoni dhe përjetoni ndryshimin shumë të nevojshëm në qeverisjen lokale në komunën e Gjakovës. Ky qytet e kjo komunë, e mbushur me histori e lavd, dhimbje e krenari, vendi vlerave patriotike e intelektuale, vizionare, kritike e atdhedashëse, e ka shansën të zgjedhë me 12 tetor, profesorin, intelektualin, patriotin dhe luftëtarin, kolegun tim nga legjislatura e VIII-të, Ardian Golën. Kur më është dashur ta përshkruaj Golën, siç e quajmë ne për të tjerët e kam përshkruar me një fjalë, ai është mishërim i krejt çfarë përfaqëson Gjakova jonë. Këtu në këtë vend, ku secili gur ka një histori e secila shtëpi një tregim për të kaluaren, ka ardhur koha të ndërtojmë e shkruajmë të ardhmen, duke i mbetur besnik të gjitha vlerave që përfaqëson kjo komunë, duke e ndërlidhur e mishëruar etikën e integritetin me profesionalizimin dhe vizionin për komunën bashkohore, e cila të gjitha resurset dhe potencialet e veta i vë në shërbim të interest publik, dhe jo në shërbim të interesit partiak e personal. Projekte madhore kanë ngecur e po ngecin në komunën e Gjakovës, pasi ato nuk paraqesin profit për grupin që qeveris aktualisht. Ngrohtorja e qytetit të Gjakovës, e vetmja me biomasë dhe kogjenerim në ketë pjesë të Ballkanit Perendimor, po ngec në ofrim të shërbimeve dhe nuk ka asnjë progres në zgjerim e shpërndarje të rrjetit të saj. Ndërtesa e Kuvendit Komunal, për tetë vite nuk arriti të finalizohet, se u desht të ndryshohej projekti e operatorët që të rritet fitimi, por ngec shërbimi për qytetarët. Ndërlidhja e një mori projekteve me Malësinë e Gjakovës, ka ngecur e nuk ka vizion për të zhvilluar tutje ato. Gjakova ka nevojë të rikthejë potencialin e saj që ia ka falur natyra dhe pozita e saj gjeografike, në mirëqenie për te gjithë qytetarët e kësaj komune dhe komunave përreth. Me investimet e qeverisë në ndërtimin e hekurudhës Prishtinë – Durrës, me segmentin për Gjakovë – Shkodër, me zgjerimin e kapaciteteve ushtarake dhe shërbimit shtesë në aeroportin e Gjakovës, Gjakova mëton të bëhet qendër e zhvillimit të industrisë dhe turizmit për Kosovë dhe Shqipëri të veriut. Ashtu sikur ishin të qartë votuesit e Gjakovës në zgjedhjet nacionale, duke e votuar më shumë profesorin Gola, se sa kryetarin në largim të Komunës së Gjakovës, ashtu, do të shohim përbashkim të votuesve të të gjithë neve që garuam në këto zgjedhje, ta finalizojnë mandatin për kryetar të komunës së Gjakovës, Ardian Golën. Për të siguruar fitoren e qartë të Golës, jemi bashkë Lëvizja Vetëvendosje me Alternativën me plot 72 kandidatë për Kuvendin komunal. Të sigurohemi që bashkëpunimi ynë Alternativë – Lëvizja Vetëvendosje, në nivelin lokal për të treten herë me radhë, kurorëzohet me fitore të madhe. E treta e vërteta dhe fitorja jonë vuloset me 12 tetor. Gjakova Meriton më shumë dhe me Ardian Golën do të ketë më shumë! Gjakova Meriton më mirë dhe do ta ketë më mirë më Ardian Golën! Për Gjakovën e kuqe dhe krenare, bashkë jemi për Ardian Golën Kryetar të komunës! #AlternativaEGjakovës

Alternativa po hyn në garën zgjedhore me besim dhe shpresë për të sjellë ndryshim e frymë të re në komunat e Kosovës. Subjekti garon në 6 komuna me lista për asamble dhe në 2 prej tyre me kandidat për kryetar. Në Prishtinë Alternativën e përfaqëson Merkur Beqiri, kandidati për kryeqytetin, ndërsa në Pejë udhëheq Reshat Nurboja. Në katër komuna të tjera, Alternativa prezantohet me ekipe të përkushtuara për asambletë komunale. Nga gjithsej 111 kandidatë, 57 janë gra dhe 54 burra – dhe në dy komuna listat udhëhiqen nga gratë. Për Alternativën, barazia nuk është vetëm synim, por realitet. Alternativa beson në forcën e qytetarëve, në ide të reja dhe në një të ardhme më të mirë për të gjithë.

E diplomuar në Gjuhë dhe Letërsi Shqipe, znj. Ardiana Axhanela ka mbi dy dekada përvojë si mësuese dhe trajnere, duke kontribuar në arsimin dhe mbështetjen psikosociale të fëmijëve brenda e jashtë Kosovës. Nga mësimdhënia në komunitetin shqiptar në Bosnje, deri te puna me organizata ndërkombëtare dhe përkushtimi i saj në SOS Fshatrat e Fëmijëve, Ardiana ka qenë gjithmonë në shërbim të fëmijëve dhe të rinjve. “Përvoja e saj është pasuruar edhe me punën si trajnere në CARE International, ku ka mbështetur mësuesit e shkollave fillore përmes programeve psikosociale. Që nga viti 2002, Ardiana Axhanela është pjesë e SOS Fshatrave të Fëmijëve në Kosovë, duke u bërë kështu nëna e dytë për qindra fëmijë që kanë kaluar në edukimin e SOS Fshatrave”, ka thënë kryetarja e Alternativës, znj. Mimoza Kusari-Lila. Pasioni dhe përvoja e saj e bëjnë një vlerë të jashtëzakonshme për vizionin e Alternativës.