Kandidatja për deputete nga Alternativa, pjesë e listës së Lëvizjes VETËVENDOSJE, znj. Diana Qarkaxhija bashkë me kryeparlamentarin z. Glauk Konjufca dhe kandidatët tjerë për deputetë z. Gegë Lleshi. Z. Agon Batusha e z. Hysamedin Feraj vizituan fabrikën Lefix në Gjakovë. Është ky një rrjet i suksesshëm biznesesh që po shënon rritje të vazhdueshme të eksportit dhe po krijon mundësi të reja punësimi për qytetarët e këtij rajoni. “Lefix është një shembull i shkëlqyer i potencialit që ka sektori prodhues në Kosovë, një sektor që me mbështetjen e duhur mund të bëhet shtyllë e zhvillimit ekonomik të vendit. Pikërisht për këtë arsye, Qeveria Kurti 3 ka planifikuar të investojë 1 miliard euro për ndërmarrjet prodhuese, duke krijuar kushte më të mira për punë, prodhim dhe eksport”, është shprehur Qarkaxhija. Së bashku vizituan edhe banorët e fshatit Damjan ku u pritën ngrohtësisht në Lagjen Shehu. Banorët rikonfirmuan se më 9 shkurt do të votojnë për vazhdimin e mirëqeverisjes edhe për katër vitet e ardhshme. Ata ishin të vendosur për vazhdim e punëve suksesshme dhe jo kthim prapa. Një tjetër vizitë iu bë kompanisë Lima Tex që merret me prodhimin e veshjeve të punës. E nisur si biznes familjar, sot ky biznes ka rreth 40 punëtorë, kryesisht gra, duke kontribuar në zhvillim ekonomik dhe fuqizimin e grave në tregun e punës. “Me tri pika shitjeje në Gjakovë, Rahovec dhe Prishtinë, Lima Tex është shembull i sipërmarrjes vendore që rritet duke e ndihmuar edhe ekonominë tonë. Ky është modeli i zhvillimit që ne mbështesim – biznese që krijojnë vende pune dhe prodhojnë cep më cep për tregun e brendshëm dhe më gjerë”, ka thënë Qarkaxhija. Me një qasje të qartë dhe me mbështetje të drejtpërdrejtë për sektorin prodhues, do të forcohet ekonomia, do të rritet punësimi dhe do të sigurohet një e ardhme më e qëndrueshme për të gjithë qytetarët e Kosovës, është thënë mes tjerash në bashkëbiseëdim me qytetarët e Gjakovës, ku u konfirmua përkrahja për qeverinë Kurti 3.

Tubimi madhështor me qytetarët në Prizren dëshmoi edhe një herë se fitorja e 9 shkurtit bashkë me 500 mijë zemra, do të jetë më e plotë se asnjëherë më parë. Kryeministri, z. Albin Kurti ka thënë se me qeverisjen e Vetëvendosjes në koalicion edhe me partitë Guxo dhe Alternativa sukseset do të jenë të pa diskutueshme. “Kurrë kosovarët nuk e kanë pasur situatën e sigurisë më të mirë”, ka thënë Kurti. Ai ka premtuar zhvillim në ekonomi dhe shëndetësi si dhe investime në infrastrukturë. “Për 4 vjet buxheti e ekonomia është rritur e të cilën e kemi shpërndarë për bujqit e zejtarët. Prizreni asnjëherë nuk ka qenë më i përfaqësuar se sa në qeverisjen tonë, sepse qeveria jonë ka qenë e do të jetë e të gjithëve”, ka thënë ai. Kurti premtoi se në mandatin e ardhshëm do të vazhdojnë siç tha ai, punët e mira në ngritjen e mirëqenies së qytetarëve dhe zhvillimit të vendit. Edhe në këtë tubim janë prezantuar kandidatët për deputetë nga rajoni i Prizrenit.

Në lagjen Suhodoll të veriut të Mitrovicës, banorët patën një takim të ngrohtë dhe entuziast me kandidatët për deputetë nga Mitrovica. Kandidatja për deputete nga Alternativa në listën fituese të Lëvizjes VETËVENDOSJE, znj. Hasime Tahiri Hasani ka thënë se me përkushtim dhe besim, edhe Suhodolli iu bashkua fuqishëm armatës së 500 mijë zemrave, të cilat më 9 shkurt do të shpalosin mbështetjen e tyre në çdo cep të Kosovës. Me vendosmëri për një të ardhme më të mirë, banorët e Suhodollit konfirmuan përkrahjen e tyre për fitoren e madhe. Edhe banorët e fshatit Zhabar bashkëbiseduan me kandidatët për deputetë nga kjo anë. Ata njëzëri e të vendosur vulosën besnikrinë ndaj kësaj liste me emrat më të mirë duke e përkrahur vizionin e saj dhe qeverinë e ardhme Kurti 3.

Edhe në Podujevë, Cep më Cep deri në fitoren e 9 shkurtit! Kryeministri z. Albin Kurti, në tubimin e madh para banorëve të Podujevës, ka mbajtur fjalim duke thënë se shteti është shtëpia e popullit dhe se ashtu siç është shtëpia për familjen ashtu shteti është për popullin. Të pranishëm ishin edhe kryetarja e Alternativës, subjekt partner me Lëvizjen VETËVENDOSJE, znj. Mimoza Kusari Lila dhe kandidatët për deputetë nga ky subjekt z. Agon Dobruna, znj. Diana Qarkaxhija, znj. Hasime Tahiri Hasani dhe znj. Sibora Kadriu. Së bashku takuan banorë të kësaj komune nga të cilët morën konfirmimin se masovikisht do të dalin e do të votojnë për listën fituese, Lëvizjen VETËVENDOSJE. Kurti mes tjerash ka thënë se, kryetarët e komunave veriore janë antëtarë të kësaj partie dhe sipas tij nëse partitë e tjera do i udhëheqnin këto komuna do të ishte një problem për shtetin e Kosovës. ¨Me pasë qenë partitë e tjera në komunat kufitare kishte qenë problem për besë, se ata i thojnë Serbisë ‘razumem’ nuk ka ‘razumem’ me kojshinë e keq. Kur e ke kojshin e keq duhet ta mbash moralin lartë dhe pushkën e mirë plotë. Ashtu siç është shtëpia për familjen ashtu shteti është për popullin. Shteti është shtëpia e popullit¨, ka thënë kryeministri Kurti. Fitorja po afron dhe mobilizimi po duket në çdo cep të vendit!

Kandidatja për deputete nga Alternativa, pjesë e listës së Lëvizjes VETËVENDOSJE, znj. Diana Qarkaxhija ka zhvilluar një takim të ngrohtë me banorët e fshatit Skivjan të Gjakovës. Së bashku me ministren e Arsimit, znj. Arbërie Nagavci, dhe kandidatin për deputet, z. Agon Batusha kanë bashkëbiseduar me banorë të kësaj ane për shumë problematika e sfida nëpër të cilat kanë kaluar. “Energjia dhe përkushtimi i juaj na japin forcë për ta çuar përpara vizionin tonë për një të ardhme më të mirë. Bashkë do të shtyjmë përpara shumë projekte për të cilat është dashur vite që të realizohen”, ka thënë mes tjerash Qarkaxhija. “Nga cepi në cep Gjakovës e Kosovës, me zemër dhe përkushtim, për 500 mijë zemrat e fitores! Bashkë po e bëjmë ndryshimin! Znj. Qarkaxhija ka takuar edhe një grup të grave me të cilat ka ndarë vizionin e saj si deputete e ardhshme e Kuvendit të Republikës së Kosovës.

Gratë, forca e shoqërisë, së bashku drejt suksesit! Gratë kanë dëshmuar ndër vite se janë shtylla të fuqishme të shoqërisë, duke treguar forcë, guxim dhe vendosmëri në çdo hap të jetës. Me mbështetjen dhe angazhimin e tyre, suksesi është i garantuar! Kandidatja për deputete nga Alternativa, pjesë e listws sw Lëvizjes VETËVENDOSJE, znj. Hasime Tahiri Hasani, ka zhvilluar një takim të frytshëm me gratë e Mitrovicës, duke bashkëbiseduar me to për sfidat dhe arritjet e tyre në fusha të ndryshme të jetës. Nga gra të reja e ambicioze deri te profesionistet me përvojë, ky takim dëshmoi edhe një herë se gratë janë forca lëvizëse e progresit. Znj. Tahiri Hasani i dëgjoi me vëmendje historitë e tyre, sfidat që kanë kaluar dhe sukseset që kanë arritur me përkushtim dhe punë të palodhur. Ajo theksoi se mbështetja për gratë është thelbësore për ndërtimin e një shoqërie më të drejtë dhe më të barabartë. “Si deputete, do të jem zëri i fuqishëm i të drejtave tuaja. Do të angazhohem me përkushtim për të shtyrë përpara ligjet që promovojnë zhvillimin, edukimin dhe fuqizimin e grave në çdo aspekt të jetës,” – u shpreh ajo. Me vizion të qartë dhe vendosmëri të palëkundur, znj. Hasime Tahiri Hasani premton të jetë një avokuese e fuqishme e të drejtave të grave dhe një mbështetëse e zgjidhjeve që sjellin ndryshim real në jetën e tyre. Ky është vetëm fillimi i një rrugëtimi të përbashkët drejt një të ardhmeje më të ndritur për të gjitha gratë!

Kandidates për deputete nga Alternativa, pjesë e listës së Lëvizjes VETËVENDOSJE, znj. Hasime Tahiri Hasani  iu rezervua mikpritje ngrohtë në konakun e familjes Brahimi në Kushtovë të Mitrovicës. Bashkë me të ishin edhe kandidatët për deputetë z. Agim Bahtiri dhe znj. Arjeta Fejza, deputete aktuale. Në një atmosferë plot entuziazëm, ata shpalosën arritjet katërvjeçare të qeverisë dhe vizionin për mandatin e ardhshëm. Nga ndërtimi i spitalit të ri në Mitrovicë, përfundimi i rrugës Prishtinë-Mitrovicë këtë pranverë, e deri te rinovimi i Stadiumit “Adem Jashari” në fillim të vitit të ardhshëm – projekte që po bëhen realitet për qytetarët. “Ne po vazhdojmë, hap pas hapi, drejt fitores së madhe më 9 shkurt! 500 mijë zemra që do të rrahin si një!”, ka thënë Tahiri Hasani.

Gjilani konfirmon fitoren e madhe: 500 mijë zemra për VETËVENDOSJE! Mbështetja e jashtëzakonshme e qytetarëve të Gjilanit në sheshin e qytetit të hënën dëshmoi edhe një herë se fitorja e Lëvizjes VETËVENDOSJE! me Albin Kurtin kryeministër është e pandalshme. Cepi më Cep  Kosovës, entuziazmi dhe besimi në qeverisjen e drejtë e të ndershme po rriten çdo ditë. Në Gjilan, si kudo tjetër në Republikë, pritja ishte e ngrohtë dhe mbështetja madhështore. Qytetarët janë bashkuar fuqishëm rreth numrit 118, duke e bërë të qartë se fitorja është e popullit. Kryeministri Albin Kurti, me një mesazh të fuqishëm nga zemra e Gjilanit, u bëri thirrje të gjithë qytetarëve që deri më 9 shkurt të bashkojnë forcat për fitoren e madhe prej 500 mijë votave. Le të jemi të gjithë bashkë për të siguruar vazhdimin e qeverisë së drejtë, të ndershme dhe të dobishme të Lëvizjes VETËVENDOSJE!. Fitorja është afër, sepse fuqia është tek populli! Ai prezantoi kandidatët për deputetë nga rajoni i Gjilanit prej të cilëve më e reja në listë është znj. Sibora Kadriu, përfaqësuese e Alternativës. “ Dashninë për atdhe e kam mësuar nga familjes, e kam mësuar prej paraardhësve të mi. Unë si stërmbesë e luftëtarit, Idriz Seferi kam ardhur sot këtu me ju tregu amanetin e tij. Idriz Seferi ka thënë:” Jemi munduar tanë jetën me e ba këtë vend Shqipni, por zor tek koka bre. E sot këtu para jush po e them atë që e kish thanë stërgjyshi imp o të ishte në mesin tonë që me Levizjen VETËVENDOSJE e mundur tek koka bre”, ka thënë Kadriu.

“Takimet dhe bashkëbisedimet me qytetarët e fshatrave të komunës së Mitrovicës janë një mundësi e çmuar për të dëgjuar nga afër shqetësimet, nevojat dhe pritshmëritë e tyre. Këto takime shërbejnë si një hap i rëndësishëm drejt ndërtimit të politikave të qëndrueshme dhe përfaqësimit të denjë të interesave të qytetarëve”, kështu ka thënë kandidatja për deputete nga Alternativa, pjesë e listës së Lëvizjes VETËVENDOSJE, znj. Hasime Tahiri Hasani. Në takim me banorë të disa fshatrave të Mitrovicës ajo është shprehur se, mbështetja e fuqishme për listën e Lëvizjes Vetëvendosje dhe partnerët e saj të koalicionit – Partinë Guxo dhe Alternativa – është një dëshmi e qartë e besimit që qytetarët kanë në vizionin dhe angazhimin tonë për një qeverisje të drejtë, transparente dhe zhvillimore. Së bashku, po ndërtojmë një të ardhme më të mirë për Mitrovicën dhe mbarë Kosovën! Bashkohuni me ne në këtë rrugëtim!

Kandidatja për deputete nga Alternativa, pjesë e listës së Lëvizjes VETËVENDOSJE, znj. Hasime Tahiri Hasani, po vazhdon takimet intensive me qytetarët e Mitrovicës, duke dëshmuar përkushtimin e saj për çdo lagje, familje dhe biznes në këtë qytet. Me vizitat dhe bisedat e saj të sinqerta, ku i pranishëm ishte edhe kryeministri, z. Albin Kurti, ajo po afirmon angazhimin e palëkundur për një të ardhme më të ndritur për të gjithë. Në një atmosferë të mbushur me emocion, ajo takoi familjarët e të vrarëve të pasluftës nga familjet Abrashi, Xhaka dhe të tjerë, të cilët më 3-4 shkurt në pjesën veriore të Mitrovicës dhanë jetën për lirinë dhe dinjitetin e kombit. Duke ndarë dhimbjen dhe krenarinë e tyre, ajo shprehu respektin më të madh për sakrificën që këto familje kanë bërë për Kosovën. Gjithashtu, vizitoi familjen Nuka, për të nderuar sakrificën e nënës Melihate, e cila i dha Kosovës një nga bijtë e saj më të mirë, Besim Nuka. Me përulësi dhe mirënjohje, znj. Tahiri Hasani përkujtoi kontributin e këtij dëshmori dhe përkushtimin e familjes së tij për të ardhmen e vendit. Përveç angazhimit të saj për drejtësi dhe kujdes ndaj familjeve të dëshmorëve, znj. Tahiri Hasani vizitoi edhe një shembull suksesi në fushën e biznesit – kompaninë e tekstilit të drejtuar nga Arian dhe Agron Syla. Me mbi 20 vite eksperiencë në këtë industri, kjo kompani është një burim i rëndësishëm punësimi, veçanërisht për gratë. Për këtë arsye, znj. Tahiri Hasani e konsideroi këtë model si një rrugë të sigurt për zhvillimin ekonomik të Mitrovicës dhe të Kosovës në vitet e ardhshme. “Bizneset si këto janë shtylla e ekonomisë sonë, dhe ne do t’i mbështesim me çdo mjet të mundshëm në katër vitet e ardhshme”, u shpreh ajo. Në kulmin e fushatës, lagjja Iliridë mirëpriti kandidatët për deputetë të LVV-së, në një tubim madhështor që tregoi përkrahjen e fuqishme të qytetarëve për ndryshimin. Përkrahës të panumërt nga Mitrovica dhe më gjerë u mblodhën për të konfirmuar mbështetjen e palëkundur për LVV-në, duke u bërë pjesë e fitores së madhe që po vjen. 500 mijë zemra nga e gjithë Kosova tashmë janë të bashkuara për të ardhmen që meritojmë! Fitorja e 9 shkurtit nuk është më vetëm një pritshmëri, por një realitet që po vuloset çdo ditë në çdo cep të Kosovës. Me Hasime Tahiri Hasanin dhe ekipin e saj, Mitrovica po dëshmon se është gati për një qeverisje të drejtë, të fuqishme dhe të ndershme nën udhëheqjen e Albin Kurtit. Qeveria Kurti 3 po vjen me një mandat të fortë për të vazhduar rrugën e ndryshimit dhe zhvillimit!