Kryetarja e Alternativës, Mimoza Kusari Lila e shoqëruar nga bashkëpunëtorët e saj ka qëndruar gjatë ditës në Gjakovë dhe së bashku kanë vizituar disa zona të dëmtuara nga vërshimet. “Situata pas vërshimeve në disa komuna të Kosovës mbetet nën kontroll, por e rënduar. Për të parë nga afër pasojat e vërshimeve të djeshme dhe për të biseduar me banorët e zonave të prekura, sot në Gjakovë, së bashku me bashkëpunëtorët nga Alternativa, vizituam disa lokacione me pasojat më të rënda”, ka thënë ajo. “Fillimisht u ndalëm në Impiantin e ujërave të ndotura, të menaxhuar nga KRU “Gjakova”, ku me kryeshefin e ndërmarrjes, z. Hasan Krasniqi, diskutuam për kapacitetin e ndërmarrjes për t’u përballur me situatën e krijuar, si dhe për masat parandaluese që kompania kishte ndërmarrë për mbrojtjen e impiantit nga vërshimi i lumit”, është shprehur Kusari Lila gjatë vizitës në terren. Kanë vizituar po ashtu lagjen Dardanian ë Piskotë, ku së bashku me Komandantin e Zjarrfikësve në Gjakovë, z. Xhevdet Brahimaj, kanë përcjellur nga afër punën e Brigadës në ndihmë të banorëve të prekur nga vërshimet. “Numri i familjeve të prekura nga vërshimet e fundit në Komunën e Gjakovës është tejet i madh. Pothuajse çdo lagje në afërsi të lumenjve është e vërshuar. Një fat të tillë patën edhe familjet Demiri dhe Sallahu, të cilat i vizitova personalisht. Përveç evakuimit dhe strehimit të përkohshëm, këto familje kanë nevojë për zgjidhje afatgjata mbrojtëse për situata të ngjashme në të ardhmen. Rruga “Shote Galica” në Brekoc të Gjakovës është një nga zonat më të goditura nga reshjet e fundit. Së bashku me kryetarin e Bashkësisë Lokale të Brekocit, z. Sokol Balaj, vizituam familjet e prekura, ku u njoftuam nga afër me problemet infrastrukturore, mbeturinat inerte, ndërtimet pa leje dhe mungesën e strehimit për familjet në nevojë”, ka theksuar Kusari Lila. “Sot, gjatë vizitës në rrugën “Bujar Roka” dhe “Bekim Fehmiu”, pamë nga afër pasojat e daljes nga shtrati të lumenjve “Erenik” dhe “Llukac”. Dëmet materiale janë të konsiderueshme. Në ditët në vijim pritet vlerësimi i dëmeve dhe fillimi i rikuperimit të shpejtë të situatës, me bashkëpunimin e nivelit lokal dhe atij qendror. Disa ura janë dëmtuar rëndë nga rritja e nivelit të ujërave të lumenjve në Gjakovë. Krahas fenomenit natyror, vërehet qartë edhe ndikimi i faktorit njerëzor. Mirëmbajtja e shtretërve të lumenjve, investimet e projektuara profesionalisht dhe trajtimi i mbeturinave inerte duhet të jenë në fokus të veprimeve institucionale”, ka vlerësuar ajo. Kryetarja e Alternativës ka thënë po ashtu se, kjo situatë kërkon reagim të menjëhershëm dhe përgjegjësi të plotë institucionale. Përtej menaxhimit të emergjencës aktuale, është thelbësore që të ndërmerren masa serioze parandaluese, me planifikim afatgjatë, investime të qëndrueshme dhe zbatim të rreptë të ligjit, në mënyrë që dëme të tilla të mos përsëriten. Ndërhyrja e shpejtë për sanimin e pasojave dhe mbështetja e drejtpërdrejtë për familjet e prekura duhet të jenë prioritet absolut.
Kryetarja e Alternativës, Mimoza Kusari Lila: Nexhat Daci njeri që ruajti dinjitetin e profesorit
U nderua dhe iu dha lamtumira jetës dhe veprës së Akademik Nexhat Dacit, ish-Kryetar i Kuvendit të Kosovës, intelektual, profesor dhe politikan i një periudhe vendimtare për lirinë dhe shtetndërtimin e Kosovës. Me këtë rast, homazhe bëri edhe Kryetarja e Alternativës, Mimoza Kusari-Lila. Ajo ka theksuar se akademik Nexhat Daci do të kujtohet si një njeri që ruajti dinjitetin e profesorit, përcaktoi me qartësi rolin e drejtuesit institucional dhe tregoi kurajë e përkushtim në përballimin e sfidave që për shumëkënd do të dukeshin të pakalueshme. Ngushëllime familjes, bashkëpunëtorëve akademikë, politikë dhe institucionalë për humbjen e bashkëpunëtorit, familjarit dhe njërit prej drejtuesve të institucioneve të vendit në ditët më të hershme të krijimit të tyre. U prehtë në paqe shpirti i tij dhe i qoftë i lehtë dheu i Kosovës.
Alternativa falënderon qytetarët për procesin e rregullt zgjedhor
Alternativa Liberale falënderon të gjithë qytetarët e Republikës së Kosovës për qytetarinë dhe përgjegjësinë e treguar gjatë procesit zgjedhor, i cili u zhvillua në mënyrë të qetë dhe demokratike. Zgjedhjet dëshmuan pjekurinë politike të shoqërisë sonë dhe përkushtimin për demokracinë. Gjatë kremtes së fitores, kryeministri Albin Kurti e quajti fitore historike dhe u zotua për përmbushjen e premtimeve elektorale. “Urojmë që angazhimet e dhëna para qytetarëve të shndërrohen në punë konkrete dhe rezultate për vendin”, ka thënë ai. Edhe kryetarja e Alternativës Mimoza Kusari Lila ka falënderuar qytetarët, aktivistët dhe përkrahësit për angazhimin duke theksuar se Alternativa mbetet e përkushtuar ndaj vlerave demokratike dhe interesit qytetar. “Po e shkruajmë një kapitull të ri të historisë së re të shtetit tonë, për siguri, begati dhe integrim”, ka theksuar Kusari Lila.
Njëzëri u kërkua të votohet më 28 dhjetor
Tubimi përmbyllës në Prishtinë mblodhi qytetarë nga e gjithë Kosova dhe mërgata, me mesazhin e unitetit, sigurisë dhe begatisë, duke bërë thirrje për votë në numrin 116 ku pjesëmarrës ishin edhe kandidatët për deputet nga Alternativa Skender Thaçi dhe Diana Qarkaxhija. Kryeministri Albin Kurti foli për rritjen e ekonomisë, punësimin, mbështetjen për familjet, investimet në infrastrukturë, ushtri, energji dhe prodhimtari, si dhe shtrirjen e rendit dhe ligjit në veri. Ai theksoi se puna e qeverisë përqendrohet te nëna, fëmija, veriu, bujqësia dhe ushtria, duke kërkuar që qytetarët të mos lëshojnë pe në ditën e votimit. Njëzëri u kërkua që masovisht të votojmë më 28 dhjetor.
Kosova të dielën vendos për të ardhmen e saj
Është dita kur qytetarët zgjedhin vizionin, përgjegjësinë dhe shpresën. Lista më e denjë për ta udhëhequr vendin është ajo e koalicionit të Lëvizjes Vetëvendosje!, ku bën pjesë edhe Alternativa Liberale, një bashkim vlerash, integriteti dhe përkushtimi ndaj interesit publik. Kosova ka nevojë për njerëz të ndershëm, punëtorë dhe të dëshmuar, për udhëheqës që nuk lëkunden përballë sfidave dhe që punojnë pa kompromis për drejtësi, zhvillim dhe mirëqenie. Përkrah Kryeministrit Albin Kurti, zëra të fuqishëm të përgjegjësisë dhe vizionit janë, Mimoza Kusari Lila, Skender Thaçi e Diana Qarkaxhija. Këta përfaqësojnë profesionalizmin, guximin qytetar dhe angazhimin për një Kosovë më të fortë, më të drejtë dhe më të begatë.
Në Emshir mbështetje maksimale për kandidatët për deputet
Banorët e lagjes Emshir shprehën mbështetje maksimale për kandidatët për deputetë Skender Thaçi dhe Diana Qarkaxhija nga Alternativa, pjesë e listës së koalicionit të Lëvizjes Vetëvendosje. Për një jetë më të mirë dhe për realizimin e projekteve madhore që do të zhvillohen në Kosovë, duhet të votohet koalicioni fitues, thanë ata.
Në Mitrovicë kudo bashkë me qytetarë
Skender Thaçi e Diana Qarkaxhija kandidatë për deputet nga lista e koalicionit të Lëvizjes Vetëvendosje, qëndruan sot në Mitrovicë. Me aktivistë e bashkëpunëtorë takuar qytetarë e zejtarë dhe vizituan panairin e zonjave të nderuara artizane në sheshin e qytetit. Nga afër dëgjuan shqetësimet, idetë dhe përkushtimin e tyre, duke riafirmuar mbështetjen për punën, traditën dhe zhvillimin lokal.
Takimet me intelektualë përherë sjellin energji pozitive
Gjatë qëndrimit në Gjakovë, Kryeministri Albin Kurti, i shoqëruaruar nga Kryetarja e Alternativës Mimoza Kusari Lila dhe bashkëpunëtorë të tjerë, zhvilluan një bisedë konstruktive gjatë një darke shoqërore me veteranë të arsimit dhe veprimtarë të dalluar. Mentor Kaçi, Malush Tullumi, Blerim Zajmi, Ruzhdi Sefa, Feim Komoni dhe të tjerë ndanë ide dhe mënyra bashkëpunimi për zhvillimin dhe të ardhmen e Kosovës.
Në çdo cep të Gjakovës përkrahje e listës fituese
Në familjen Nikmengjaj në Korenicë, u zhvillua një bashkëbisedim i ngrohtë dhe i sinqertë mes kryeplakut të katundit, Shon Nikmengjaj, dhe tre djemve të tij në mërgatë, si dhe njërit në Kosovë. Në këtë takim morën pjesë edhe Kryeministri Albin Kurti, si dhe kandidatët për deputet Skender Thaçi dhe Diana Qarkaxhija, të cilët bashkë me banorët e Korenicës së Gjakovës diskutuan rreth: planeve dhe projekteve të qeverisë në ardhje punëve të mira që janë realizuar sfidave aktuale me të cilat po përballet vendi. Banorët e Korenicës theksuan se mërgimtarët e kësaj ane po vijnë për herë të parë për të votuar koalicionin e Lëvizjes Vetëvendosje, duke treguar besim dhe shpresë për të ardhmen.
Gjakova drejt fitores së koalicionit të Lëvizjes VETËVENDOSJE!
“116 Fahrenheit në Gjakovë!” – tha Kryeministri Albin Kurti, duke përshkruar atmosferën e zjarrtë dhe entuziazmin e jashtëzakonshëm. Sonte, Gjakova jehonte nga brohoritjet “Mos lësho pe!” dhe “Fitore!” Pallati i Kulturës “Asim Vokshi” u mbush plot me qytetarë që me energji, besim dhe vendosmëri dhanë mesazh të qartë politik. Kryeministri Albin Kurti falënderoi qytetarët për mikpritjen dhe mbështetjen e fuqishme, duke theksuar disa projekte kyçe për Gjakovën: Baza e FSK-së në Babaj të Bokës, me ndërtimin e hangarëve Fabrika e municioneve në Jahoc, e para në vendin tonë Ai theksoi se mandati i ardhshëm do të nisë me reforma të thella e të drejta, që do të lehtësojnë veprimtarinë ekonomike dhe do të forcojnë biznesin vendor. Kryetarja e Alternativës dhe kandidate për deputete, Mimoza Kusari Lila, e ndezi atmosferën duke prezantuar koalicionin e fitores: “Fitoren e kemi afër! Bashkimi i katër subjekteve, i prirë nga Lëvizja VETËVENDOSJE! me Kryeministrin Albin Kurti, Partia Guxo, Alternativa dhe PShDK është bashkimi i vlerave për shtetin, i guximit për t’i dhënë Kosovës drejtim të palëkundur drejt sigurisë dhe begatisë. Kjo është alternativa e zgjedhjeve të 28 nëntorit”, ka thënë ajo.











