Vizita në kompaninë prodhuese Lima Tex u realizua në kuadër të vizitave dhe takimeve me qytetarë dhe biznese në Gjakovë. Kandidatët për deputetë, Skender Thaçi dhe Diana Qarkaxhija, zhvilluan një bashkëbisedim të hapur me udhëheqësit dhe profesionistët e kësaj kompanie, të cilët me përkushtim dhe devotshmëri angazhohen çdo ditë në procesin e prodhimit. Lima Tex, e themeluar në vitin 2002, ka kaluar një rrugëtim të suksesshëm zhvillimi, nga një biznes i vogël familjar në një ndër kompanitë më të kërkuara në prodhimin e të gjitha llojeve të veshjeve të punës. Sot, kjo kompani numëron dhjetëra punëtorë të trajnuar dhe të përkushtuar, të cilët kontribuojnë në prodhimin e rrobave të unifikuara me standarde të larta cilësie. Edhe pse përballet me sfida të shumta, Lima Tex mbetet shembull i suksesit, punës së ndershme dhe qëndrueshmërisë në sektorin prodhues. Kandidatët për deputetë theksuan se Alternativa është e përkushtuar për zhvillimin e ekonomisë qarkore dhe fuqizimin e bizneseve të vogla dhe të mesme. Ata theksuan se, me qeverinë Kurti në ardhje, shumë nga sfidat me të cilat përballen bizneset vendore do të tejkalohen përmes politikave mbështetëse dhe zhvillimore. Mbështetja e prodhimit vendor është investim në të ardhmen e Kosovës drejt brendit Made in Kosova.
Me qytetarët, për qytetarët, për një përfaqësim të denjë dhe të ndershëm
Kandidatët për deputetë nga Alternativa, pjesë e listës së Lëvizjes Vetëvendosje!, Skender Thaçi dhe Diana Qarkaxhija, gjatë takimeve në Gjakovë kanë bashkëbiseduar me qytetarë të moshave dhe profesioneve të ndryshme, duke dëgjuar nga afër shqetësimet dhe pritshmëritë e tyre. Ish-prokurorja, tani avokate Mone Syla, i ka pritur në takim kandidatët Thaçi dhe Qarkaxhija, ku u diskutua për angazhimet dhe prioritetet që ata do të kenë gjatë mandatit të tyre si deputetë në Kuvendin e Kosovës. Po ashtu, aktivisti dhe sportisti veteran Hashim Rraci ka mirëpritur kandidatët për deputetë, duke shprehur mbështetje të plotë dhe të pakursyer për ta. Me qytetarët, për qytetarët, për një përfaqësim të denjë dhe të ndershëm!
Në Mitrovicë, afër qytetarëve, pranë traditës
Kandidatët për deputet nga Alternativa pjesë e listës së koalicionit me Lëvizjen Vetëvendosje, Skender Thaçi dhe Diana Qarkaxhija, bashkë me kryeministrin Albin Kurti, qëndruan në Mitrovicë, ku u takuan me zanatlinjtë e vjetër, ruajtës të traditës, punës së ndershme dhe identitetit tonë kulturor. Nga afër u njohën me sfidat që ata përballen dhe dëgjuan nevojat e tyre për mbështetje institucionale dhe ruajtjen e zanateve tradicionale. Gjatë vizitës, u zhvilluan edhe takime të hapura me qytetarë, ku u diskutuan shqetësimet e përditshme dhe nevojat reale të komunitetit. Zëri i qytetarëve është udhërrëfyesi ynë për politika më të drejta dhe zhvillim të qëndrueshëm. Bashkë ndërtojmë një të ardhme më të fortë!
Kryetarja e Alternativës Mimoza Kusari Lila me përvojë, integritet dhe përgjegjesi kandidate për deputete
Skender Thaçi, humanisti, patrioti dhe veprimtari i shquar është kandidat për deputet nga Alternativa
Diana Qarkaxhija kandidate për deputete nga Alternativa, profesioniste e përkryer
Kandidatët për deputet nga Alternativa, po vlerësohen dhe mbështeten gjerësisht nga qytetarët
Me pjesëmarrje të gjerë qytetare dhe një frymë të fortë mobilizuese, në Prishtinë u prezantuan kandidatët për deputetë të Alternativës, pjesë e listës së përbashkët në koalicion me Lëvizjen VETËVENDOSJE! Kandidatë që bashkojnë përvojën profesionale, vetëdijen kombëtare dhe energjinë e aktivizmit qytetar, duke sjellë vlera të shtuara për të ardhmen e Kosovës. Kryetarja e Alternativës, Mimoza Kusari-Lila, theksoi vizionin e qartë për një Kosovë që prodhon, punëson dhe eksporton: “Ekonomia dhe prodhimi janë shtylla jonë e parë. Ne ndërtojmë ekonomi prodhuese me parqe industriale moderne, me mbështetje reale për eksportuesit, financim më të lehtë për bizneset prodhuese dhe investime në aftësi profesionale e inovacion. Pa industri të fortë, nuk ka ekonomi të fortë.” Ajo shtoi se zhvillimi duhet të jetë i barabartë në çdo cep të vendit: “Do të krijojmë një dikaster të veçantë për politikat e turizmit për ta promovuar Kosovën si destinacion gjatë gjithë vitit. Arsimi duhet t’i shërbejë ekonomisë reale, ndërsa dialogu publiko-privat do të fuqizohet për brendimin ‘Made in Kosova’.” Kandidatët për deputetë Skender Thaçi dhe Diana Qarkaxhija u shprehën të vendosur për angazhim maksimal në vazhdimin e begatisë socio-ekonomike dhe forcimin e sovranitetit të vendit. Kryeministri Albin Kurti, duke vlerësuar lart punën dhe përkushtimin e Mimoza Kusari-Lilës si shefe e Grupit Parlamentar, theksoi se qytetarët janë arsyeja themelore e qeverisjes: “Qytetari mbi gjithçka, angazhimi politik e publik mbi çdo interes të ngushtë apo të fshehtë.” Urime për kandidatët e Alternativës erdhën edhe nga Donika Gërvalla kryetare e partisë Guxo dhe Zef Morina kryetar i partisë Shqiptare Demokristiane, të cilët përgëzuan për përzgjedhjen në listën fituese. Mimoza Kusari-Lila, Skender Thaçi dhe Diana Qarkaxhija janë tre kandidatët për deputet nga Alternativa në koalicion me Lëvizjen VETËVENDOSJE!, të cilët po vlerësohen dhe mbështeten gjerësisht nga qytetarët për vizionin, integritetin dhe përkushtimin e tyre ndaj Kosovës.
Produktet e Proton Cable të pranishme në Kosovë dhe në 12 shtete, të përkrahen prodhimet vendore
Kandidatët për deputet nga Alternativa, në listën e koalicionit të Lëvizjes VETËVENDOSJE!, Mimoza Kusari Lila, Skender Thaçi dhe Diana Qarkaxhija u takuan dhe biseduan nga afër me stafin e kompanisë Proton Cable në Prizren. Proton Cable është një fabrikë moderne për prodhimin e kabllove, e cila operon në treg prej 16 vitesh. Aktualisht, 45 punëtorë janë të angazhuar maksimalisht në procesin e prodhimit, duke siguruar cilësi të lartë nga lënda e parë deri te produkti final. Produktet e Proton Cable tashmë janë të pranishme në tregun e Kosovës dhe eksportohen në 12 shtete, duke dëshmuar potencialin dhe kapacitetin e industrisë vendore. Gjatë takimit u diskutuan edhe sfidat kryesore me të cilat përballet kompania, përfshirë mungesën e punëtorëve të kualifikuar si dhe konkurrencën jolojale në treg, që ndikon drejtpërdrejt në zhvillimin e kompanisë. Proton Cable mbetet një nga fabrikat më të sofistikuara në sektorin e prodhimit të kabllove në rajon.
Kandidatë për deputet, premtuan angazhim dhe përkushtim në ngritjen e kapaciteteve të kompanive prodhuese në vend
Mobileria Muzbeg-F në Prizren është një kompani e suksesshme që operon në treg prej më shumë se 30 vitesh, duke qenë shembull i përkushtimit dhe cilësisë në prodhim, si përpunues druri. Kandidatët për deputet nga Alternativa, pjesë e listës së koalicionit të Lëvizjes VETËVENDOSJE!, Mimoza Kusari Lila kryetare e Alternativës, Skender Thaçi dhe Diana Qarkaxhija, u takuan me stafin e kompanisë për t’u informuar më nga afër rreth sfidave me të cilat përballen çdo ditë. Një nga shqetësimet kryesore të ngritura ishte mungesa e punëtorëve profesionalë, e cila paraqet një nevojë dhe brengë të madhe për sektorin prodhues. Kandidatë e listës fituese premtuan angazhim dhe përkushtim në ngritjen e kapaciteteve të kompanive prodhuese në vend.
Mimoza Kusari Lila, Skender Thaçi dhe Diana Qarkaxhija kandidatët e Alternativës për deputet
Në sallën e sporteve në Prizren u prezantuan kandidatët e koalicionit fitues: Lëvizja VETËVENDOSJE!, Partia Guxo, Alternativa dhe Partia Shqiptare Demokristiane e Kosovës. Ky koalicion përfaqëson unitetin, vizionin dhe garancinë e fitores në zgjedhjet e 28 dhjetorit. Para qytetarëve të Prizrenit u prezantuan solemnisht edhe kandidatët e Alternativës: Mimoza Kusari Lila, Skender Thaçi dhe Diana Qarkaxhija.











