Kryetarja e Alternativës, kandidate për deputete, Mimoza Kusari Lila së bashku me kryetarin e Partisë Shqiptare Demokristiane të Kosovës, Zef Morina, u takuan me të rinj të Gjakovës për një bashkëbisedim të hapur. Gjatë takimit u prezantua programi i koalicionit qeverisës të Lëvizjes Vetëvendosje, si dhe planet konkrete dhe avangarde për fuqizimin e të rinjve. Të rinjtë janë prioritet! Politika që krijon siguri, mundësi dhe begati Me vizion të qartë drejt Qeverisë Kurti 3
Kujdes i shtuar për natyrën dhe bjeshkatarët
Në shoqatën e Bjeshkatarëve dhe Alpinistëve Sharri u pritën me shumë dashamirësi kandidatët për deputet nga Alternativa, pjesë e listës së koalicionit të Lëvizjes Vetëvendosje, Skender Thaçi dhe Diana Qarkaxhija. Kryetari Osman Uka, prezantoi aktivitetet e rregullta të shoqatës, duke theksuar ecjet javore që realizohen nga mbi 150 anëtarë aktivë. Ai kërkoi më shumë përkrahje institucionale për projekte të ndryshme dhe theksoi nevojën për kujdes të shtuar ndaj mjedisit dhe natyrës. Kandidatët u zotuan se do të angazhohen fuqishëm për: Krijimin e guidave profesionale, Shenjëzimin e shtigjeve të ecjes dhe promovimin e turizmit malor, si një vlerë e rëndësishme për Prizrenin dhe Kosovën.
ESNAF në Prizren bashkëbisedojnë me kandidatët për deputet
Përfaqësues të shoqatës Esnaf në Prizren zhvilluan një takim frytdhënës dhe konstruktiv me kandidatët e Listës së Lëvizjes Vetëvendosje nga Alternativa, Skender Thaçi dhe Diana Qarkaxhija. Kjo shoqatë përfaqëson mbi 400 biznese anëtare, me mbi 10 mijë të punësuar, të cilat çdo ditë përballen me sfida të shumta, por edhe suksese. Në takim u diskutuan problemet reale të bizneseve dhe u theksua nevoja për zgjidhje konkrete dhe të qëndrueshme. Për zhvillimin e turizmit në Prizren dhe në mbarë Kosovën, u riafirmua angazhimi për themelimin e Agjencisë Kombëtare të Turizmit, si një hap i rëndësishëm drejt zhvillimit ekonomik dhe promovimit të vlerave tona.
Pëkrahja për bizneset vendore do të jetë prioritet
Përfaqësuesit e Parkut të Inovacionit dhe Trajnimeve në Prizren u takuan me kandidatët për deputet nga Alternativa, pjesë e listës së Lëvizjes VETËVENDOSJE!, Skender Thaçi dhe Diana Qarkaxhija. Gjatë takimit u theksua rëndësia strategjike e zgjerimit të Parkut të Inovacionit Teknologjik, i cili aktualisht shtrihet në 40 hektarë dhe ofron hapësirë për dhjetëra biznese inovative. Në park veprojnë mbi 60 biznese, ndërsa nevojiten investime të reja në infrastrukturë për të nxitur zhvillimin ekonomik dhe hapjen e vendeve të reja të punës. Kandidatët theksuan se me Qeverinë Kurti 3, krijimi i kushteve të favorshme për të bërë biznes do të jetë prioritet.
Në Istog dëshmohet përkrahje për listën e Lëvizjes VETEVENDOSJE
Kandidatët për deputetë nga Alternativa, pjesë e listës së Lëvizjes Vetëvendosje!, Skender Thaçi dhe Diana Qarkaxhija, të shoqëruar nga bashkëpunëtorë, qëndruan sot në Istog, në një agjendë të pasur takimesh me biznese dhe përfaqësues të sektorëve kyç të zhvillimit lokal. Vizitë në biznesin përpunues të mermerit “Bajraktari Graniti Mermer”, një shembull i suksesit vendor, punës së ndershme dhe potencialit ekonomik të rajonit. Nuk do të mungonte as takimi me përfaqësuesit e Odës së Hotelerisë dhe Turizmit për Rajonin e Pejës, z. Armend Delija, në ambientet e Restaurant Freskia Istog, ku u diskutuan sfidat dhe mundësitë për zhvillimin e turizmit dhe gastronomisë. Vizita në Banjën e Pejës, Resortin Onix dhe takimi i veçantë me drejtoreshën Arlinda Shoshi, ishte përmbajtësor ku u diskutua për potencialin e turizmit shëndetësor dhe investimet e qëndrueshme. Takime që dëshmojnë përkushtimin tonë për të qenë pranë bizneseve, për të dëgjuar nga afër nevojat e tyre dhe për të ndërtuar politika që nxisin zhvillim ekonomik, punësim dhe mirëqenie për qytetarët.
Bardhoshi nuk lëshon pe për siguri dhe begati
Në një tubim madhështor, kandidati për deputet nga Alternativa, pjesë e listës së Lëvizjes VETËVENDOSJE!, Skender Thaçi, u bashkua me kandidatin për deputet dhe ish-Kryetarin e Kuvendit të Kosovës, Glauk Konjufca, për të përcjellë mesazhin e qartë të ndryshimit, stabilitetit dhe zhvillimit. Bashkë, me qytetarët e Bardhoshit, dëshmuam se vullneti për siguri dhe begati është i palëkundur dhe se e ardhmja ndërtohet me përkushtim e vizion.
Peja mirëpret kadidatët për deputet nga Alternativa
Kryetarja e Alternativës, Mimoza Kusari Lila, kandidate për deputete së bashku me kandidatët Skender Thaçi dhe Diana Qarkaxhija, të shoqëruar nga bashkëpunëtorë vizituan disa biznese shërbyede dhe artizanale në Pejë, duke qenë pranë punëtorëve, sipërmarrësve dhe qytetarëve që çdo ditë kontribuojnë në zhvillimin e vendit. Në pastiçerinë e Lejla Gashit u pritën me përzemërsi të veçantë, ku u ndanë histori suksesi, përkushtimi dhe sfidash që përballen gratë dhe të rinjtë në botën e biznesit. Vizitat vazhduan në Çarshinë e Gjatë, ku u takuan me Afrimin qeleshpunues, në argjendarinë “Çivlagu”, si dhe bizneset “Valdeti”, “Veterina” dhe “Dekor”. Këto takime u karakterizuan nga mikpritje e ngrohtë dhe mbështetje e fuqishme për një vizion të përbashkët zhvillimi. Takimet me qytetarë dhe biznese lokale konfirmuan edhe një herë se Peja beson në punë, ndershmëri dhe zhvillim të qëndrueshëm, duke dhënë mbështetje të parezervë për rrugën drejt sigurisë dhe begatisë.
Takime frymëzuese dhe biseda të ngrohta me qytetarë në mbarë Kosovën
Kandidati për deputet nga Alternativa, pjesë e listës së Lëvizjes VETËVENDOSJE!, Skender Thaçi, u takua me pjesëtarët e Ansamblit Folklorik “Ardhmëria” në Gjakovë, bartës të trashëgimisë sonë kulturore dhe shpirtit artistik shqiptar. Gjatë këtij takimi domethënës, Thaçi theksoi: “Për rininë, pensionistët, artistët dhe punëtorët kemi plane dhe projekte konkrete. Bashkë në koalicion dhe me Kryeministrin Kurti, do të vazhdojmë punët e mira dhe mbështetjen e fuqishme për kulturën, artin dhe zhvillimin shoqëror.” Artistët shprehën mbështetjen e tyre të plotë për këtë koalicion, duke ritheksuar angazhimin e vazhdueshëm për projekte që ruajnë dhe zhvillojnë artin, kulturën dhe identitetin tonë kombëtar.
Qarkaxhija takim frytdhënës me gra dhe vajza
Me gra dhe vajza u zhvillua një takim i ngrohtë, i sinqertë dhe frymëzues në lagjen Mati 1, ku fjala e hapur dhe shpresa për të ardhmen u ndërthurën në një atmosferë besimi e bashkëpunimi. Kandidatet për deputete Diana Qarkaxhija dhe Fitore Pacolli bashkëbiseduan nga afër me gratë dhe vajzat e kësaj zone, duke dëgjuar shqetësimet, idetë dhe aspiratat e tyre. Në qendër të diskutimit ishte roli i gruas në shoqëri, fuqizimi i saj dhe ndërtimi i një të ardhmeje më të drejtë për brezat e rinj. U theksua se punët e mira të Qeverisë Kurti duhet dhe do të vazhdojnë, për të përmirësuar jetën e çdo qytetareje dhe qytetari, për më shumë barazi, mirëqenie dhe mundësi të barabarta për të gjithë. Kandidatet e listës fituese ritheksuan përkushtimin e tyre për politika që vendosin gruan, familjen dhe rininë në qendër të vendimmarrjes. “Ne do të angazhohemi pa u ndalur për mirëqenien e grave dhe për një të ardhme më të sigurt e më të ndritur për brezat e rinj”, u shprehën ato gjatë takimit, duke marrë mbështetje të fuqishme nga të pranishmet.
Atelieja e Arrita Shehut në Gjakovë është shembull i shkëlqyer i prodhimtarisë vendore me vulën “Made in Kosova”
Me pasionin dhe përkushtimin e saj e cila prodhon suvenire nga druri, letra dhe argjila u njohën nga afër kandidatët për deputet Skendet Thaçi e Diana Qarkaxhija. Produktet janë autentike që i japin vlerë turizmit kulturor dhe bëjnë që shumë turistë të ndalen para ateliesë së saj. Këto iniciativa jo vetëm që promovojnë artin vendor, por edhe e prezantojnë Kosovën në mënyrën më të mirë të mundshme. Megjithatë, për ta zgjeruar prodhimin dhe për të përmbushur kërkesën në rritje, asaj i nevojitet mbështetje konkrete nga shteti, veçanërisht përmes granteve për pajisje dhe makineri të reja. Alternativa jonë mbetet e përkushtuar që të mbështesë bizneset e vogla dhe kreative, veçanërisht ato që tërheqin turistë dhe krijojnë vlerë të shtuar për ekonominë vendore. “Edhe në mandatin e ardhshëm do të vazhdojmë t’i mbështesim kompanitë dhe bizneset tona që prodhojnë me cilësi dhe me brendin ‘Made in Kosova’”, kanë theksuar kandidatët për deputet.











