Kryeministri i Kosovës, Albin Kurti, vizitoi organizatën Handikos për të shënuar Ditën Ndërkombëtare të personave me aftësi të kufizuara. Gjatë kësaj vizite, ai ishte i shoqëruar nga zëvendësministri i Ministrisë së Financave, Punës dhe Trasfereve, përfaqësues nga Alternativa, z. Agon Dobruna. Me këtë rast ata kanë shprehur mbështetje të plotë për Handikos-in dhe për angazhimet e komunitetit të organizatave që ofrojnë ndihmë për këtë fushë. “Kryeministri Albin Kurti ishte në vizitë në organizatën Handikos, për të shënuar bashkarisht Ditën ndërkombëtare të personave me aftësi të kufizuar. Në vizitën në të cilën e shoqëroja edhe unë, ai shprehu mbështetjen e parezerve për organizaten Handikos, dhe në përgjithësi shprehu mbështetjen për punën e komunitetit të organizatave që ofrojnë mbështetje për këtë fushë. Qeveria jone i ka vendosur në qendër të drejtat e personave që kanë status të tillë social dhe në respekt dhe vlerësim të punës së secilit, do vazhdojmë të kemi kujdes të pandërprerë për këtë kategori sa të rëndësishme aq edhe esenciale të shoqeërisë e shtetit tonë.”, ka bërë të ditur zëvendësministri i MFPT-së, z. Agon Dobruna.

Agjencioni i Zhvillimit Rajonal – Lindje, të mërkurën në Gjilan ka organizuar takimet konsultative me përfaqësues të Komunave Gjilan, Viti, Novobërdë, Ranillug, Kllokot dhe Partesh. Zëvendësministri i Ministrisë së Zhvillimit Rajonal, përfaqësues nga Alternativa, z. Ali Tafarshiku ka bërë të ditur se temë diskutimi ishte zbatimi i ligjit për Zhvillim Rajonal të Balancuar dhe themelimi i Qendrës në këtë regjion. “Organizuar nga Agjencioni i Zhvillimit Rajonal – Lindje, sot ne Gjilan vazhduam takimet konsultative me përfaqësues të Komunave Gjilan, Viti, Novoberd, Ranillug,  Kllokot dhe Partesh. Temë diskutimi ishte zbatimi i ligjit për Zhvillim Rajonal të Balancuar dhe themelimi i Qendrës në këtë regjion. Gjithashtu, zyrtarët e Komunave i njoftova me mundësitë e aplikimit në thirrjen për projekte kapitale që Ministria e Zhvillimit Rajonal do e hapë së shpejti”, ka theksuar zëvendësministri Tafarshiku.

Organizuar nga Shoqata Down Syndrome Kosova, të martën u hap ekspozita “Përmes Artit Promovojmë Diversitetin”. Zëvendësministri i Ministrisë së Financave, Punës dhe Trasfereve, përfaqëues nga Alternativa z. Agon Dobruna në këtë aktivitet, ku u shënua Dita Ndërkombëtare e Personave me Aftësi të Kufizuara ka thënë se, angazhimi i MFPT-së është i vazhdueshëm, por në të njejtën kohë suksesi i këtyre përpjekjeve nuk do të ishte i mundur pa mbështetjen e organizatave të shoqërisë civile, me të cilat bashkëpunimi është i shkëlqyer. Ekspozita u cilësua si e veçantë dhe e bukur, duke reflektuar talentin dhe potencialin e jashtëzakonshëm të këtij komuniteti. “Mbrëmë në organizim të shoqatës Down Syndrome Kosova, u prezantua ekspozita “Përmes Artit Promovojmë Diversitetin” duke shënuar Ditën Ndërkombëtare të Personave me Aftësi të Kufizuara. Sebahate Beqiri, drejtoreshë ekzekutive, tregoi për të arriturat e aktivitetet gjatë vitit dhe bashkëpunimet që kanë pasur me organizata dhe institucione përkatëse. Një ekspozitë e veçantë dhe e bukur, që sjell talentin e këtij komuniteti dhe potencialin e jashtzakonshëm që posedojnë. Angazhimi i MFPT-së është i vazhdueshëm, por në të njejtën kohë suksesi i këtyre përpjekjeve nuk do të ishte i mundur pa mbështetjen e organizatave të shoqërisë civile, me të cilat bashkëpunimi është i shkëlqyer. Prandaj kjo punë e përbashkët po krijon një shoqëri gjithëpërfshirëse dhe të drejtë për të gjithë personat e komunitetit dhe me theks të veçantë fëmijët”, është shprehur zëvendësministri i MFPT z. Dobruna.

Të hënën në Pejë u zhvillua takim i përbashkët ndërmjet Ministrisë së Zhvillimit Rajonal dhe kryetarëve të komunave të regjionit Perëndim. Zëvendësministri i Ministrisë së Zhvillimit Rajonal, përfaqësues nga Alternativa, z. Ali Tafarshiku ka theksuar se, qëllimi i këtij takimi ishte zbatimi i Ligjit për Zhvillim Rajonal të Balancuar, ku kryetarët e komunave Pejë, Deçan, Junik, Klinë, si dhe zyrtarët e komunave Gjakovë dhe Istog, u informuan për procesin e themelimit të Qendrave të Zhvillimit Rajonal dhe programin zhvillimor 2025-2027. Z. Tafarshiku ka thënë se, viti 2025 do të shënohet nga shumë iniciativa për projekte zhvillimore që synojnë të kenë ndikim të rëndësishëm në balancimin e investimeve në të gjitha regjionet e Republikës. “Në Pejë sot zhvilluam takimin e përbashkët në mes të Ministrisë së Zhvillimit Rajonal dhe kryetarëve të Komunave të regjionit Perëndim. Qëllimi i këtij takimi ishte zbatimi i ligjit për Zhvillim Rajonal të Balancuar, ku kryetarët e Komunave Pejë, Deçan, Junik, Klinë dhe zyrtarët e Komunave Gjakovë dhe Istog, i njoftova me procesin e themelimit të Qendrave të Zhvillimit Rajonal dhe programin  zhvillimor 2025-2027. Viti 2025 na gjenë me shumë iniciativa për projekte zhvillimore që do kenë ndikim në balancimin e investimeve në të gjitha regjionet e Republikës”, ka potencuar zv/ministri MZhR-së Ali Tafarshiku.

Forumi Kosovar i Aftësisë së Kufizuar me rastin e 3 Dhjetorit, Ditës Ndërkombëtare të Personave me Aftësi të Kufizuar, ka organizuar konferencën: “Roli i institucioneve dhe shoqërisë civile në avancimin e të drejtave të fëmijëve me aftësi të kufizuara”. Zëvendësministri i Ministrisë së Financave, Punës dhe Transfereve, përfaqësues nga Alternativa, z. Agon Dobruna me këtë rast ka thënë se, MFPT-ja ka ndërmarrë hapa konkretë për sigurimin e mbështetjes financiare përmes skemave sociale, të cilat synojnë adresimin e nevojave themelore të fëmijëve dhe të rriturve me aftësi të kufizuara dhe familjeve të tyre. Ai po ashtu ka theksuar se, është intensifikuar përpjekja për forcimin e kuadrit ligjor dhe të politikave gjithëpërfshirëse, duke siguruar që legjislacionet dhe masat e hartuara të jenë në përputhje me standardet ndërkombëtare dhe të drejtat e përcaktuara në Konventën për të Drejtat e Personave me Aftësi të Kufizuara. Sipas tij, mbetet ende shumë punë për t’u bërë por duke punuar së bashku, mund të ndërtohet një e ardhme më e ndritur, ku çdo fëmijë të ketë mundësinë për të shpalosur potencialin e tij të plotë.  “Ministria Financave, Punës dhe Transfereve ka ndërmarrë hapa konkretë për sigurimin e mbështetjes financiare përmes skemave sociale, të cilat adresojnë nevojat themelore të fëmijëve dhe të rriturve me aftësi të kufizuara dhe familjeve të tyre. Forcimin e kuadrit ligjor dhe politikave gjithëpërfshirëse, duke siguruar që të gjitha legjislacionet dhe masat e hartuara të reflektojnë standardet ndërkombëtare dhe të drejtat e përcaktuara në Konventën për të Drejtat e Personave me Aftësi të Kufizuara. Rritjen e bashkëpunimit ndërmjet institucioneve dhe shoqërisë civile, për të garantuar që politikat dhe programet janë të bazuara në nevojat reale të komunitetit të aftësisë së kufizuar. Përkundër këtyre përpjekjeve, e kuptojmë se mbetet ende shumë për t’u bërë. Por së bashku, mund të ndërtojmë një të ardhme më të ndritur, ku çdo fëmijë duhet pasur mundësinë për të shpalosur potencialin e tij të plotë”, ka potencuar z. Dobruna.

Zëvendësministri i Ministrisë së Financave, Punës dhe Transfereve, përfaqësues nga Alternativa, z. Agon Dobruna ka bërë të ditur se është publikuar një raport analitik që adreson përfitimet e fëmijëve nga programet e ndihmës dhe mbrojtjes sociale. Dobruna ka thënë se, në përputhje me programin qeveritar, Ministria ka përcaktuar prioritete dhe politika që synojnë përmirësimin e mirëqenies sociale dhe mbrojtjes sociale. Prioritet i veçantë i është dhënë mbështetjes financiare për të garantuar mirëqenie më të mirë për fëmijët, familjet dhe qytetarët që jetojnë në kushte të vështira sociale dhe ekonomike. “Ministria e Financave, Punës dhe Transfereve, bazuar në programin e Qeverisë, ka përcaktuar prioritetet dhe politikat në fushën e mirëqenies sociale dhe mbrojtjes sociale, ku në kuadër të tyre janë përfshirë edhe zbatimi i skemave të reja, si shtesat e fëmijëve, shtesat për lehona, reformimi i asistencës sociale ku do të eliminohen kriteret diskriminuese dhe pabarazia dhe skemat pensionale. Kemi prioritizuar skemat e mbështetjes financiare me qëllim sigurimin e mirëqenies më të mirë të fëmijëve, familjeve dhe qytetarëve të cilët jetojnë në kushte të rënda sociale dhe ekonomike. Pas prezantimit të raportit kishim mundësinë të bashkëbisedojmë e adresojmë shumë çështje dhe rekomandime, me interes të avancimit të ndihmës e mbrojtjes sociale”, ka bërë të ditur zv/ministri i MFPT, z. Agon Dobruna.

Shefja e Grupit Parlamentar të Lëvizjes VETËVENDOSJE dhe kryetare e Alternativës, znj. Mimoza Kusari-Lila ka qenë pjesë e një paneli në Gjimnazin “Hajdar Dushi” të Gjakovës. Me gjimnazistët e kësaj vatre arsimore kanë zhvilluar një bashkëbisedim në kuadër të fushatës globale “16 Ditët e Aktivizimit Kundër Dhunës në Baza Gjinore”. Është diskutuar rreth formave të dhunës, burimin e saj dhe ndikimin e traumave të bartura ndër breza si pasojë e dhunës sistematike gjatë periudhave të represionit. Maturantët shfaqën një nivel të lartë vetëdijesimi dhe mendimi kritik mbi sfidat që hasin sot. Ata ngritën çështje të rëndësishme, si ndikimi i rrjeteve sociale, format e kontrollit dhe kufizimet që shpesh vijnë përmes tyre. “Me kënaqësi pranova ftesën për të qenë pjesë e panelit për të bashkëbiseduar me maturantët e  Gjimnazi Hajdar Dushi në Gjakovë, në kuadër të “16 Ditëve të Aktivizimit Kundër Dhunës në Baza Gjinore”. Në këtë gjimnaz, ku dikur isha maturante edhe vetë, folëm për format e dhunës, burimin e saj dhe traumat e bartura ndër breza si pasojë e dhunës sistematike të pranishme gjatë kohës së represionit. Diskutuam gjithashtu për dhunën si sjellje të normuar dikur për disiplinim, si dhe si mjet për nënshtrimin e vajzës dhe gruas. Më gëzoi shumë të shihja një nivel të lartë vetëdijesimi dhe mendimi kritik te maturantët lidhur me sfidat që hasin, nga ekspozimi në rrjetet sociale deri te format dhe mënyrat për kontrollin dhe kufizimin e tyre. Bisedat dinamike dhe komunikimi i vazhdueshëm me informata për mekanizmat parandalues dhe metodat rehabilituese për viktimat, si dhe angazhimi i të rinjve në aktivitete jashtëshkollore, u vlerësuan si rruga më e drejtë për të parandaluar dhunën. Sot dhe çdo ditë tjetër, në mbështetje të ndalimit të dhunës në baza gjinore!”, është shprehur shefja e Grupit Parlamentar të Lëvizjes VETËVENDOSJE dhe kryetare e Alternativës Mimoza Kusari-Lila.

Agjencia Gjermane për Bashkëpunim Ndërkombëtar (GIZ) ka organizuar të martën në Prishtinë konferencë me temën “Promovimi i rekrutimit të drejtë dhe përmirësimi i kushteve të punës për punëtorët migrantë në Ballkanin Perëndimor”. Zëvendësministri i Ministrisë së Financave, Punës dhe Transfereve z. Agon Dobruna, përfaqësues nga Alternativa, ka theksuar se, përmes përpjekjeve të vazhdueshme, ne kemi ndërmarrë hapa konkretë për të përmirësuar cilësinë e shërbimeve dhe për të forcuar kapacitetet e Agjencisë së Punësimit. “Ministria e Financave, Punës dhe Transfereve është e përkushtuar për të bashkëpunuar me të gjithë partnerët dhe palët e interesit, për të siguruar rekrutimin e drejtë dhe mbrojtjen e punëtorëve migrantë”, ka thënë ai mes tjerash. “Në hapje të konferencës me temë: “Promovimi i Rekrutimit të Drejtë dhe Zbutja e Kushteve të Pasigurta të Punës për Punëtorët Migrantë”, që trajton një nga temat më të ndjeshme dhe të rëndësishme të kohës sonë – promovimin e rekrutimit të drejtë dhe përmirësimin e kushteve të punës për punëtorët migrantë. Përmes përpjekjeve të vazhdueshme, ne kemi ndërmarrë hapa konkretë për të përmirësuar cilësinë e shërbimeve dhe për të forcuar kapacitetet e Agjencisë së Punësimit. Ministria e Financave, Punës dhe Transfereve është e përkushtuar për të bashkëpunuar me të gjithë partnerët dhe palët e interesit, për të siguruar rekrutimin e drejtë dhe mbrojtjen e punëtorëve migrantë. Falënderoj GIZ-in dhe ILO-n për mbështetjen e jashtëzakonshme në organizimin e kësaj konference dhe për përkushtimin e tyre, në përmirësimin e kushteve të punës dhe rekrutimit për punëtorët migrantë në Kosovë dhe më gjerë”, ka theksuar zevendësministri Dobruna.

Shefja e Grupit Parlamentar të Lëvizjes VETËVENDOSJE, kryetare e Alternativës znj. Mimoza Kusari-Lila i është bashkuar të hënën aktivitetit të organizuar nga Ministria e Drejtësisë dhe ministrja znj. Albulena Haxhiu, gjatë nisjes së fushatës globale 16-ditore kundër dhunës në baza gjinore.  “Dhuna në baza gjinore nuk është një fenomen i rastësishëm apo kalimtar. Ajo ka rrënjë të thella në stereotipet që ushqehen dhe mirëmbahen gabimisht në shoqëri, në traumat e përsëritura që individët përjetojnë brenda dhe jashtë familjes, në disa norma të gabuara shoqërore dhe kulturore, ndërsa vitet e fundit përhapet me shpejtësi alarmante përmes platformave online”, ka thënë Kusari-Lila.  “Dhuna mund të jetë e fshehur prapa, të mos jetë pjesë e shpërfaqjes më rrallë në publik por të mbetet e kultivuar brenda në familje, dhe këtu është ajo pika kur ne të gjithë duhet të jemi të vetëdijshëm. As nëna, as motra, as shoqja, as gjyshja nuk e meritojnë dhunën, nuk duhet të jenë subjekt i dhunës pse janë gra, nuk duhet të jenë subjekt i nënçmimit, i mohimit të një të drejte se kanë forcë më të vogël fizike. Nuk jeni më të fortë ju djemtë pse qëndroni bashkë, pse luani futboll, nuk mundeni me ditë më shumë as në matematikë e shkencë, as me qenë pilot apo diçka tjetër me aspire, profesionet që janë vetëm për djemtë, por jeni të barabartë dhe këtu është esenca dhe fondacioni i secilës paqe dhe secilit zhvillim në shoqëri, barazia”, ka thënë mes tjerash zonja Kusari-Lila. “Sot dhe çdo ditë tjetër, bashkë kundër dhunës në baza gjinore. Sot iu bashkova aktivitetit të organizuar nga Ministria e Drejtësisë dhe ministrja Albulena Haxhiu për nisjen e fushatës globale 16-ditore kundër dhunës në baza gjinore. Bashkë me Ministren e Drejtësisë dhe aktivisten kundër dhunës në baza gjinore, Vilma Dule, zhvilluam një bashkëbisedim me nxënësit e Gjimnazit “Ahmet Gashi” në Prishtinë. Dhuna në baza gjinore nuk është një fenomen i rastësishëm apo kalimtar. Ajo ka rrënjë të thella në stereotipet që ushqehen dhe mirëmbahen gabimisht në shoqëri, në traumat e përsëritura që individët përjetojnë brenda dhe jashtë familjes, në disa norma të gabuara shoqërore dhe kulturore, ndërsa vitet e fundit përhapet me shpejtësi alarmante përmes platformave online. Për këtë arsye, është thelbësore që dhuna në baza gjinore të trajtohet me gjithë kompleksitetin e saj, duke përfshirë masat parandaluese, ndëshkimet dhe proceset rehabilituese. Qeveria aktuale, si asnjëherë më parë, ka punuar dhe është angazhuar në shumë nivele për të ofruar mekanizma sigurues për viktimat dhe për të forcuar sanksionet ndaj dhunuesve. Megjithatë, fokusi ynë i përbashkët mbetet ngritja e vetëdijes për parandalimin dhe krijimin e mundësive të barabarta për të gjitha grupet e cenueshme, viktima të dhunës në familje dhe në baza gjinore. Sot dhe çdo ditë tjetër!”, ka thënë kryetarja Kusari-Lila.

Në Gjakovë të shtunën është mbajtur debat publik me temën: “Sfidat dhe mundësitë e të bërit biznes në komunën e Gjakovës”, organizuar nga Alternativa. Panelistët sekretarja Alternativës znj. Diana Qarkaxhija, zëvendësministri i Ministrisë së Financave, Punës dhe Transfereve dhe kryetar i degës së Alternativës z. Agon Dobruna  si dhe z. Ali Tafarshiku zëvendësministër i Ministrisë së Zhvillimit Rajonal prezantuan aktivitetet, punën, projektet dhe sfidat nëpër të cilat kanë kaluar vitet e fundit si zyrtarë të lartë të shtetit dhe subjektit. Përfaqësues të bizneseve, të shoqatave e organizatave, artizanë, të rinjë të kësaj komune e qytetarë të tjerë patën mundësi të njihen nga afër me mundësitë e të bërit biznes në fushën e arsimit me fokus integrimin e metodave të zhvillimit profesional dhe përmirësimin e arritjeve akademike të nxënësve në shkolla duke ofruar zgjidhje inovative dhe të qëndrueshme. Po në këtë bashkëbisedim të pranishmit u njoftuan rreth masave aktive në tregun e punës dhe mbështetja që ofrohet për qytetarët. U diskutua edhe rreth mundësisë së krijuar nga Qeveria e Republikës së Kosovës për përkrahje të drejtëpërdrejtë të bizneseve, veçmas për skemat e granteve që aplikohen nga Ministria e Zhvillimit Rajonal. “Në një kohë kur arsimi është shtyllë themelore për zhvillimin e çdo shoqërie është e qartë se sfidat që pëballojmë sot kërkojnë zgjidhje krijuese dhe angazhim të gjithanshëm. Siç e dimë arsimi në Kosovë përballet me në sërë sfidash nga cilësia e mësimdhënies deri te mungesa e infrastrukturës së duhur. Por brenda këtyre sfidave fshihet një mundësi e jashtëzakonshme, potenciali për të ndërtuar biznese që jo vetëm që plotësojnë këto boshllëqe por që gjithashtu e përmirësojnë cilësinë e arsimit dhe japin një kontribut të rëndësishëm në zhvillimin ekonomik të vendit”, ka thënë mes tjerash sekretarja e Alternativës znj. Diana Qarkaxhia. Ajo ka shtuar se, prezantimi i modeleve të suksesshme nga rajoni që mund të përdoren si frymëzim përfshirë qendrat e trajnimit, kurset online dhe aplikacionet edukative që si të tilla do të jenë iniciativë që përmirësojnë cilësinë në arsim dhe do të jenë të vlefshme për brezat e rinjë. Ndërsa zv/ministri i MFPT z. Agon Dobruna, kryetar i deges së Alternativës, mes tjerash është shprehur: “ Për vitin 2025 buxheti i Qeverisë së Republikës së Kosovës shënon nivelin 3 miliardë e 608 milionë euro, që është për rreth 300 milionë euro, apo shprehur në përqindje për 8.87 për qind më i lartë sesa ai i vitit 2024 e që është buxheti më imadh që është arritur ndonjëherë. Ndërsa borxhi publik nën 18% ”. Dobruna ka shtuar se, ka 8.3% më shumë mjete për investime kapitale se në vitin 2024 dhe se të gjitha këto ndryshime janë bërë në përputhje me rregullën fiskale të kufirit të deficitit buxhetor. “Fuqizimi i sektorit privat, në vazhdimësi këto 4 vite, ka qenë në objektivat e Qeverisë së Republikës së Kosovës përmes skemave të granteve që lansohen nga Ministritë e linjës. Vetëm nga Ministria e Zhvillimit Rajonal janë ndarë mbi 7 milion euro dhe janë mbështetur afër 1 000 biznese. Në aspektin e Zhvillimit Rajonal, Gjakova për herë të parë pas 25 viteve, trajtohet si regjion në vete, duke përfituar më shumë fonde për investime kapitale, grante për biznese dhe mbështetje për Organizatat e Shoqërisë Civile. Gjithashtu për herë të parë, në vitin 2024 janë hapur thirrje të veçanta për mbështetje të studentëve me ide të ndërmarrësise dhe artizanatet që kultivojnë produkte të traditave tona dhe mbajnë gjallë trashëgiminë e zejtarisë”, ka thënë zëvendësministri i Zhvillimit Rajonal z. Ali Tafarshiku. Përmes bashkëbisedimit të pranishmit u interesuan dhe mësuan detaje të tjera rreth përfitimit të granteve, planeve dhe projekteve që ka Qeveria për të rritur mirëqenien e qytetarëve. Për angazhimin e tij në ndihmë të bizneseve Aleanca Kosovare e Bizneseve (AKB) ka ndarë mirënjohje për zëvendësministrin e MFPT z. Agon Dobruna.