Shefja e Grupit Parlamentar të Lëvizjes VETËVENDOSJE, kryetare e Alternativës znj. Mimoza Kusari-Lila i është bashkuar të hënën aktivitetit të organizuar nga Ministria e Drejtësisë dhe ministrja znj. Albulena Haxhiu, gjatë nisjes së fushatës globale 16-ditore kundër dhunës në baza gjinore.  “Dhuna në baza gjinore nuk është një fenomen i rastësishëm apo kalimtar. Ajo ka rrënjë të thella në stereotipet që ushqehen dhe mirëmbahen gabimisht në shoqëri, në traumat e përsëritura që individët përjetojnë brenda dhe jashtë familjes, në disa norma të gabuara shoqërore dhe kulturore, ndërsa vitet e fundit përhapet me shpejtësi alarmante përmes platformave online”, ka thënë Kusari-Lila.  “Dhuna mund të jetë e fshehur prapa, të mos jetë pjesë e shpërfaqjes më rrallë në publik por të mbetet e kultivuar brenda në familje, dhe këtu është ajo pika kur ne të gjithë duhet të jemi të vetëdijshëm. As nëna, as motra, as shoqja, as gjyshja nuk e meritojnë dhunën, nuk duhet të jenë subjekt i dhunës pse janë gra, nuk duhet të jenë subjekt i nënçmimit, i mohimit të një të drejte se kanë forcë më të vogël fizike. Nuk jeni më të fortë ju djemtë pse qëndroni bashkë, pse luani futboll, nuk mundeni me ditë më shumë as në matematikë e shkencë, as me qenë pilot apo diçka tjetër me aspire, profesionet që janë vetëm për djemtë, por jeni të barabartë dhe këtu është esenca dhe fondacioni i secilës paqe dhe secilit zhvillim në shoqëri, barazia”, ka thënë mes tjerash zonja Kusari-Lila. “Sot dhe çdo ditë tjetër, bashkë kundër dhunës në baza gjinore. Sot iu bashkova aktivitetit të organizuar nga Ministria e Drejtësisë dhe ministrja Albulena Haxhiu për nisjen e fushatës globale 16-ditore kundër dhunës në baza gjinore. Bashkë me Ministren e Drejtësisë dhe aktivisten kundër dhunës në baza gjinore, Vilma Dule, zhvilluam një bashkëbisedim me nxënësit e Gjimnazit “Ahmet Gashi” në Prishtinë. Dhuna në baza gjinore nuk është një fenomen i rastësishëm apo kalimtar. Ajo ka rrënjë të thella në stereotipet që ushqehen dhe mirëmbahen gabimisht në shoqëri, në traumat e përsëritura që individët përjetojnë brenda dhe jashtë familjes, në disa norma të gabuara shoqërore dhe kulturore, ndërsa vitet e fundit përhapet me shpejtësi alarmante përmes platformave online. Për këtë arsye, është thelbësore që dhuna në baza gjinore të trajtohet me gjithë kompleksitetin e saj, duke përfshirë masat parandaluese, ndëshkimet dhe proceset rehabilituese. Qeveria aktuale, si asnjëherë më parë, ka punuar dhe është angazhuar në shumë nivele për të ofruar mekanizma sigurues për viktimat dhe për të forcuar sanksionet ndaj dhunuesve. Megjithatë, fokusi ynë i përbashkët mbetet ngritja e vetëdijes për parandalimin dhe krijimin e mundësive të barabarta për të gjitha grupet e cenueshme, viktima të dhunës në familje dhe në baza gjinore. Sot dhe çdo ditë tjetër!”, ka thënë kryetarja Kusari-Lila.

Në Gjakovë të shtunën është mbajtur debat publik me temën: “Sfidat dhe mundësitë e të bërit biznes në komunën e Gjakovës”, organizuar nga Alternativa. Panelistët sekretarja Alternativës znj. Diana Qarkaxhija, zëvendësministri i Ministrisë së Financave, Punës dhe Transfereve dhe kryetar i degës së Alternativës z. Agon Dobruna  si dhe z. Ali Tafarshiku zëvendësministër i Ministrisë së Zhvillimit Rajonal prezantuan aktivitetet, punën, projektet dhe sfidat nëpër të cilat kanë kaluar vitet e fundit si zyrtarë të lartë të shtetit dhe subjektit. Përfaqësues të bizneseve, të shoqatave e organizatave, artizanë, të rinjë të kësaj komune e qytetarë të tjerë patën mundësi të njihen nga afër me mundësitë e të bërit biznes në fushën e arsimit me fokus integrimin e metodave të zhvillimit profesional dhe përmirësimin e arritjeve akademike të nxënësve në shkolla duke ofruar zgjidhje inovative dhe të qëndrueshme. Po në këtë bashkëbisedim të pranishmit u njoftuan rreth masave aktive në tregun e punës dhe mbështetja që ofrohet për qytetarët. U diskutua edhe rreth mundësisë së krijuar nga Qeveria e Republikës së Kosovës për përkrahje të drejtëpërdrejtë të bizneseve, veçmas për skemat e granteve që aplikohen nga Ministria e Zhvillimit Rajonal. “Në një kohë kur arsimi është shtyllë themelore për zhvillimin e çdo shoqërie është e qartë se sfidat që pëballojmë sot kërkojnë zgjidhje krijuese dhe angazhim të gjithanshëm. Siç e dimë arsimi në Kosovë përballet me në sërë sfidash nga cilësia e mësimdhënies deri te mungesa e infrastrukturës së duhur. Por brenda këtyre sfidave fshihet një mundësi e jashtëzakonshme, potenciali për të ndërtuar biznese që jo vetëm që plotësojnë këto boshllëqe por që gjithashtu e përmirësojnë cilësinë e arsimit dhe japin një kontribut të rëndësishëm në zhvillimin ekonomik të vendit”, ka thënë mes tjerash sekretarja e Alternativës znj. Diana Qarkaxhia. Ajo ka shtuar se, prezantimi i modeleve të suksesshme nga rajoni që mund të përdoren si frymëzim përfshirë qendrat e trajnimit, kurset online dhe aplikacionet edukative që si të tilla do të jenë iniciativë që përmirësojnë cilësinë në arsim dhe do të jenë të vlefshme për brezat e rinjë. Ndërsa zv/ministri i MFPT z. Agon Dobruna, kryetar i deges së Alternativës, mes tjerash është shprehur: “ Për vitin 2025 buxheti i Qeverisë së Republikës së Kosovës shënon nivelin 3 miliardë e 608 milionë euro, që është për rreth 300 milionë euro, apo shprehur në përqindje për 8.87 për qind më i lartë sesa ai i vitit 2024 e që është buxheti më imadh që është arritur ndonjëherë. Ndërsa borxhi publik nën 18% ”. Dobruna ka shtuar se, ka 8.3% më shumë mjete për investime kapitale se në vitin 2024 dhe se të gjitha këto ndryshime janë bërë në përputhje me rregullën fiskale të kufirit të deficitit buxhetor. “Fuqizimi i sektorit privat, në vazhdimësi këto 4 vite, ka qenë në objektivat e Qeverisë së Republikës së Kosovës përmes skemave të granteve që lansohen nga Ministritë e linjës. Vetëm nga Ministria e Zhvillimit Rajonal janë ndarë mbi 7 milion euro dhe janë mbështetur afër 1 000 biznese. Në aspektin e Zhvillimit Rajonal, Gjakova për herë të parë pas 25 viteve, trajtohet si regjion në vete, duke përfituar më shumë fonde për investime kapitale, grante për biznese dhe mbështetje për Organizatat e Shoqërisë Civile. Gjithashtu për herë të parë, në vitin 2024 janë hapur thirrje të veçanta për mbështetje të studentëve me ide të ndërmarrësise dhe artizanatet që kultivojnë produkte të traditave tona dhe mbajnë gjallë trashëgiminë e zejtarisë”, ka thënë zëvendësministri i Zhvillimit Rajonal z. Ali Tafarshiku. Përmes bashkëbisedimit të pranishmit u interesuan dhe mësuan detaje të tjera rreth përfitimit të granteve, planeve dhe projekteve që ka Qeveria për të rritur mirëqenien e qytetarëve. Për angazhimin e tij në ndihmë të bizneseve Aleanca Kosovare e Bizneseve (AKB) ka ndarë mirënjohje për zëvendësministrin e MFPT z. Agon Dobruna.

Në orët e vona të së premtes zëvendësministri i Ministrisë së Finanvace, Punës dhe trasfereve z. Agon Dobruna, përfaqësues i Alternativës, ka ndërmarrë një aksion inspektimi i shoqëruar nga kryeinspektori i Inspektoriatit Qendror të Punës, z. Hekuran Nikçi dhe Inspektorët e punës z. Neki Krasniqi dhe z. Gëzim Sahiti, në pompat e derivateve dhe masazhet në Prishtinë. Dobruna ka thënë se gjatë inspektimeve hasën në parregullësi të ndryshme, si punëtorë pa kontrata të punës dhe punë jashtë orarit të pakompenzuar. Ai ka theksuar se kanë hasur edhe në punëtore shtetase të huaja, pa lejeqëndrimi dhe lejepune. “Sonte në aksion inspektimi së bashku me kryeinspektorin e Inspektoriatit Qëndror të Punës, z. Hekuran Nikçi dhe Inspektorët e punës z.Neki Krasniqi dhe z.Gëzim Sahiti, në pompat e derivateve dhe masazhet në Prishtinë. Inspektorët tanë gjatë inspektimeve hasën në parregullësi të ndryshme, si punëtorë pa kontrata të punës dhe punë jashtë orarit të pakompenzuar. Gjithashtu punëtore shtetase të huaja, pa lejeqëndrimi dhe lejepune. Jemi të përkushtuar që të mbrojmë të drejtat dhe sigurinë e punëtorëve, por në anën tjetër të vendosur të luftojmë informalitetin dhe çdo veprimtari ilegale e të paligjshme”, ka thënë Dobruna.

Zëvendësministri i Ministrisë së Zhvillimit Rajonal z. Ali Tafarshiku, përfaqësues i Alternativës, ka vizituar të premten disa biznese që merren me përpunimin e drurit në regjionin e Gjakovës. Ai ka parë nga afër me veprimtarinë e bizneseve: “Gëzim Maloku”, “Lendita Quni B.I”, “Bredhi Company SHPK” dhe “R FI Nesa SHPK”. Zv/ministri Tafarshiku i ka informuar pronarët e këtyre bizneseve me mundësitë e drejtëpërdrejta të mbështetjes që Qeveria e Republikës së Kosovës dhe Ministria e Zhvillimit Rajonal, kanë krijuar në 4 vitet e fundit për sektorin privat. “Grantet qeveritare për bizneset prodhuese kanë rezultuar të suksesshme në ngritjen e eksportit dhe krijimin e vendeve të reja të punës”, ka thënë mes tjerash ai. “Ditë pune në ambientet afariste të disa bizneseve të përpunimit të drurit në regjionin e Gjakovës. Nga afër u njoftova me veprimtarinë e bizneseve: “Gëzim Maloku” në Junik, “Lendita Quni B.I” në fshatin Molliq, “Bredhi Company SHPK” në fshatin Stubëll dhe “R FI Nesa SHPK” në fshatin Shishman të Komunës së Gjakovës. Pronarët e këtyre bizneseve i njoftova me mundësitë e drejtëpërdrejta të mbështetjes që Qeveria e Republikës së Kosovës dhe Ministria e Zhvillimit Rajonal kanë krijuar në 4 vitet e fundit për sektorin privat. Grantet qeveritare për bizneset prodhuese kanë rezultuar të suksesshme në ngritjen e eksportit dhe krijimin e vendeve të reja të punës.”, ka thënë zv/ministri Tafarshiku.

Në kuadër të Komisionit Parlamentar për Stabilizim-Asociim, të enjten është zhvilluar një takim përgatitor për të diskutuar çështjet kryesore në lidhje me mbledhjen e ardhshme të përbashkët të delegacionit të Kosovës dhe atij të Parlamentit Evropian. Kryetarja e Komisionit Parlamentar për Stabilizim-Asociim, shefe e Grupit Parlamentar të Lëvizjes VETËVENDOSJE dhe kryetare e Alternativës, znj. Mimoza Kusari-Lila ka theksuar se gjatë takimit kanë shqyrtuar draft-agjendën për seancën e ardhshme të komisionit të përbashkët, e cila do të mbahet më 9 dhjetor 2024 në Parlamentin Evropian në Bruksel. Ajo ka thënë se kanë diskutuar edhe rekomandimet dhe amendamentet që do të prezantohen në Bruksel, mbi rëndësinë e këtij takimi me parlamentarët e rinj evropianë, si dhe mbi vazhdimin e bashkëpunimit të shkëlqyer midis Kuvendit të Kosovës dhe Parlamentit Evropian. “Sot, në kuadër të Komisionit Parlamentar për Stabilizim-Asociim, zhvilluam një takim përgatitor për të diskutuar çështjet kryesore në lidhje me mbledhjen e ardhshme të përbashkët të delegacionit të Kosovës dhe atij të Parlamentit Evropian. Gjatë takimit, shqyrtuam draft-agjendën për seancën e ardhshme të komisionit të përbashkët, e cila do të mbahet më 9 dhjetor 2024 në Parlamentin Evropian në Bruksel. Diskutuam mbi rekomandimet dhe amendamentet që do të prezantohen në Bruksel, mbi rëndësinë e këtij takimi me parlamentarët e rinj evropianë, si dhe mbi vazhdimin e bashkëpunimit të shkëlqyer midis Kuvendit të Kosovës dhe Parlamentit Evropian. Ky do të jetë takimi i fundit i Stabilizim-Asociimit për legjislaturën e tetë të deputetëve të Kosovës, ndërsa do të shënojë edhe takimin e parë të SA-së për parlamentarët evropianë të sapozgjedhur”, ka thënë kryetarja e Alternativës dhe shefe e Grupit Parlamentar të Lëvizjes VETËVENDOSJE.

Me organizim të Agjencisë Rajonale për Zhvillim- Jug të enjten në Prizren është diskutuar rreth objektivave që nxisin balancimin socio-ekonomik në Republikën e Kosovës. Zëvendësministri i Ministrisë së Zhvillimit Rajonal z. Ali Tafarshiku, përfaqësues nga Alternativa, në takim me pjesmarrës nga komunat e regjionit, i ka njoftuar ata rreth implementimit të masave zhvillimore që kanë të bëjnë me investimet kapitale, grantet për biznese dhe mbështetjen për OJQ-të. Me këtë rast z. Tafarshiku ka sqaruar mënyrat e zbatimit të ligjit për zhvillim rajonal. Ndërsa drejtori i AZhR-së, Nderim Bytyqi dhe projekt menaxheri Qazim Pirana dhanë informata rreth mundësive për aplikim të Komunave të regjionit të jugut në programet ku trajtohen projektet ndërkufitare. “Në Prizren sot diskutuam për zhvillimin rajonal në regjionin Jug, si dhe objektivat që nxisin balancimin socio ekonomik në Republikën e Kosovës. Në organizimin e AZhR Jug, pjesmarrësit që vinin nga komunat e regjionit, i njoftova me implementimin e masave zhvillimore që kanë të bëjnë me investimet kapitale, grantet për biznese dhe mbështetjen për OJQ-të, përderisa nuk munguan edhe sqarimet mbi zbatimin e ligjit për zhvillim rajonal. Nga ana tjetër, drejtori i AZhR-së, Nderim Bytyqi dhe projekt menaxheri Qazim Pirana u dhanë informata rreth mundësive për aplikim të Komunave të regjionit të jugut në programet ku trajtohen projektet ndërkufitare”, ka theksuar zv/ministri Tafarshiku.

Zëvendësministri i Ministrisë së Zhvillimit Rajonal z. Ali Tafarshiku, nga Alternativa, zhvilloi takim me përfaqësues të bizneseve që operojnë në rajonin perëndimor të vendit. Agjencia për Zhvillim Rajonal-Perëndim (AZhR), në vazhdën e organizmit të tryezave publike inicoi këtë takim mes zv/ministrit Tafarshiku dhe përfaqësuesve të bizneseve. Tafarshiku para ndërmarrësve ka shpalosur të arriturat, sfidat dhe ecurinë e realizimit të objektivave zhvillimore të Ministrisë së Zhvillimit Rajonal, me theks të veçantë mbështetjen financiare ndaj bizneseve. Ai ka thënë se, për 4 vite qeverisje 2021-2024, vetëm nga Ministria e Zhvillimit Rajonal janë ndarë 7 milion euro grante, ku kanë përfituar mbi 900 ndërmarrje të vogla dhe të mesme. Ndërsa drejtori i AZhR- Perëndim, Sokol Luta, prezantoi kriteret që janë aplikuar në udhëzuesin e skemës së granteve. “Në vazhdën e tryezave publike të organizuara nga AZhR- Perëndim, takuam edhe përfaqësues të bizneseve që operojnë në rajonin perëndimor të vendit. Para ndërmarrësve shpalosa të arriturat, sfidat dhe ecurinë e realizimit të objektivave zhvillimore të Ministrisë së Zhvillimit Rajonal, me theks të veçantë mbështetjen financiare ndaj bizneseve. Për 4 vite qeverisje 2021-2024, vetëm nga Ministria e Zhvillimit Rajonal janë ndarë 7 milion euro grante, ku kanë përfituar mbi 900 ndërmarrje të vogla dhe të mesme. Nga Drejtori i AZhR Perëndim, Sokol Luta, u prezantuan kriteret që janë aplikuar në udhëzuesin e skemës së granteve, ku më pas dëgjuam edhe komentet nga përfaqësuesit e bizneseve. Mbështetja e drejtëpërdrejtë nga Qeveria e Republikës së Kosovës për sektorin privat, cilësohet si indikator për stabilitetin, zgjerimin dhe zhvillimin e bizneseve në Kosovë”, ka theksuar z. Tafarshiku.

Instituti AAB ka organizuar konferencë për kontabilistë dhe auditorë të certifikuar me temën: “Transformimi digjital në fushën e kontabilitetit dhe auditimit”. Zëvendësministri i Ministrisë së Financave, Punës dhe Transfereve z. Agon Dobruna, përfaqësues i Alternativës ka thënë se, jemi dëshmitarë që jeta dhe puna jonë po ndryshon çdo ditë në mënyrë rrënjësore, falë digjitalizimit të punëve dhe proceseve dhe kjo padyshim që ka ndikuar edhe në fushën e kontabilitetit dhe auditimit”. Dobruna para të pranishmëve ka theksuar se, me anë të transformimit digjital, disa procese kanë ndryshuar, disa janë përshpejtuar ndërsa disa tashmë i takojnë së kaluarës. Ndër të tjera, zëvendësministri Dobruna përmendi faktin se, kontabilistët e auditorët me integritet dhe guxim ishin ata që shkatërruan skemat piramidale e grupet kriminale gjithandej botës, gjatë etapave të ndryshme kohore. “Në konferencën e organizuar nga Instituti AAB për kontabilistë dhe auditorë të certifikuar me temën: “Transformimi digjital në fushën e kontabilitetit dhe auditimit”. Ne jemi dëshmitarë që jeta dhe puna jonë po ndryshon çdo ditë në mënyrë rrënjësore, falë digjitalizimit të punëve dhe proceseve dhe kjo padyshim që ka ndikuar edhe në fushën e kontabilitetit dhe auditimit. Me anë të transformimit digjital, disa procese kanë ndryshuar, disa janë përshpejtuar ndërsa disa tashmë i takojnë së kaluarës. Gjithsesi, përmirësimi i menaxhimit të proceseve financiare dhe raportimit është i dukshëm falë digjitalizimit. Përveç që sjell shumë mundësi, ky transformim digjital sjell edhe sfida dhe kërkon nga profesionistët e fushës dedikim të vazhdueshëm dhe një qasje të hapur ndaj risive, me qëllim të rritjes së aftësive tona teknologjike. Mirëpo komponenta më e rëndësishme që thuhet në këtë ditë është integriteti dhe puna e ndershme, duke ditur që pikërisht kontabilistët e auditorët me integritet dhe guxim ishin ata që shkatërruan skemat piramidale e grupet kriminale gjithandej botës, gjatë etapave të ndryshme kohore”, ka thënë, zv/ministri Dobruna.

Me bashkëorganizim të Alternativës, Lëvizjes VETËVENDOSJE dhe Partisë Guxo të shtunën në Pejë u organizua debat në të cilin u diskutua rreth projekteve të Qeverisë së Kosovës për punësimin e të rinjëve dhe çështjet e shëndetësisë dhe mirëqenies sociale. Znj. Fatmire Mulhaxha-Kollçaku deputete dhe kryetare e Komisionit për Shëndetësi dhe Mirëqenie Sociale, z. Agon Dobruna zëvendësministër i MFPT-së dhe znj. Jeta Statovci deputete dhe nënkryetare e parë e Komisionit për Ekonomi, Ndërmarrësi dhe Tregti ishin panelistë të këtij bashkëbisedimi. Përfaqësues të të rinjëve të kësaj komune, bizneseve dhe qytetarët të tjerë patën mundësi që të njihen nga afër me projektet që ka realizuar dhe po planifikon Qeveria e Republikës së Kosovës rreth punësimit të të rinjëve dhe planifikimet për shëndetësi, ekonomi e zhvillim. Panelistët prezantuan po ashtu të arrituarat, sfidat dhe projektet që po hartohen rreth këtyre sektorëve. Ndërsa të pranishmit përmes interaktivitetit kuptuan detaje dhe u informuan për gjithçka që u interesonte atyre. Të rinjtë u përgëzuan për arritjet e tyre në inovacion, sport, kulturë, arte e shkencë, për çka u tha se janë pasuria më e vlefshme e Kosovës dhe duke i vendosur ata në qendër të politikave shtetërore mund të sigurojmë një të ardhme të qëndrueshme. Debate të ngjashme janë mbajtur në vazhdimësi dhe planifikohet të mbahen edhe në të ardhmen.

Zëvendësministri i Ministrisë së Zhvillimit Rajonal, z. Ali Tafarshiku, përfaqësues i Alternativës, ka njoftuar se për tri ditë me radhë kanë punuar në hartimin e Planit Strategjik institucional për vitet 2025-2027. Tafarshiku ka thënë se të gjithë bashkë si zëvendësministrat, Sekretari, këshilltarët politik, drejtorët e udhëheqësit e Divizioneve të MZhR-së janë angazhuar rreth hartimit të këtij Plani. “Për tri ditë me radhë, si zëvendësministra, këshilltar politik, bashkë me Sekretarin, drejtorët dhe udhëheqësit e Divizioneve të Ministrisë së Zhvillimit Rajonal, po punojmë në hartimin e Planit Strategjik institucional 2025-2027. Objektivat operacionale i shndërruam në aktivitete, me tregues zbatimi që mundësojnë ngritjen e efikasitetit dhe matjen e performancës”, ka bërë të ditur z. Tafarshiku.