Edhe në Podujevë, Cep më Cep deri në fitoren e 9 shkurtit! Kryeministri z. Albin Kurti, në tubimin e madh para banorëve të Podujevës, ka mbajtur fjalim duke thënë se shteti është shtëpia e popullit dhe se ashtu siç është shtëpia për familjen ashtu shteti është për popullin. Të pranishëm ishin edhe kryetarja e Alternativës, subjekt partner me Lëvizjen VETËVENDOSJE, znj. Mimoza Kusari Lila dhe kandidatët për deputetë nga ky subjekt z. Agon Dobruna, znj. Diana Qarkaxhija, znj. Hasime Tahiri Hasani dhe znj. Sibora Kadriu. Së bashku takuan banorë të kësaj komune nga të cilët morën konfirmimin se masovikisht do të dalin e do të votojnë për listën fituese, Lëvizjen VETËVENDOSJE. Kurti mes tjerash ka thënë se, kryetarët e komunave veriore janë antëtarë të kësaj partie dhe sipas tij nëse partitë e tjera do i udhëheqnin këto komuna do të ishte një problem për shtetin e Kosovës. ¨Me pasë qenë partitë e tjera në komunat kufitare kishte qenë problem për besë, se ata i thojnë Serbisë ‘razumem’ nuk ka ‘razumem’ me kojshinë e keq. Kur e ke kojshin e keq duhet ta mbash moralin lartë dhe pushkën e mirë plotë. Ashtu siç është shtëpia për familjen ashtu shteti është për popullin. Shteti është shtëpia e popullit¨, ka thënë kryeministri Kurti. Fitorja po afron dhe mobilizimi po duket në çdo cep të vendit!
Qarkaxhija në Skivjan: Energjia dhe përkushtimi i juaj na japin forcë për ta çuar përpara vizionin tonë për një të ardhme më të mirë
Kandidatja për deputete nga Alternativa, pjesë e listës së Lëvizjes VETËVENDOSJE, znj. Diana Qarkaxhija ka zhvilluar një takim të ngrohtë me banorët e fshatit Skivjan të Gjakovës. Së bashku me ministren e Arsimit, znj. Arbërie Nagavci, dhe kandidatin për deputet, z. Agon Batusha kanë bashkëbiseduar me banorë të kësaj ane për shumë problematika e sfida nëpër të cilat kanë kaluar. “Energjia dhe përkushtimi i juaj na japin forcë për ta çuar përpara vizionin tonë për një të ardhme më të mirë. Bashkë do të shtyjmë përpara shumë projekte për të cilat është dashur vite që të realizohen”, ka thënë mes tjerash Qarkaxhija. “Nga cepi në cep Gjakovës e Kosovës, me zemër dhe përkushtim, për 500 mijë zemrat e fitores! Bashkë po e bëjmë ndryshimin! Znj. Qarkaxhija ka takuar edhe një grup të grave me të cilat ka ndarë vizionin e saj si deputete e ardhshme e Kuvendit të Republikës së Kosovës.
Tahiri Hasani: Ky është vetëm fillimi i një rrugëtimi të përbashkët drejt një të ardhmeje më të ndritur për të gjitha gratë
Gratë, forca e shoqërisë, së bashku drejt suksesit! Gratë kanë dëshmuar ndër vite se janë shtylla të fuqishme të shoqërisë, duke treguar forcë, guxim dhe vendosmëri në çdo hap të jetës. Me mbështetjen dhe angazhimin e tyre, suksesi është i garantuar! Kandidatja për deputete nga Alternativa, pjesë e listws sw Lëvizjes VETËVENDOSJE, znj. Hasime Tahiri Hasani, ka zhvilluar një takim të frytshëm me gratë e Mitrovicës, duke bashkëbiseduar me to për sfidat dhe arritjet e tyre në fusha të ndryshme të jetës. Nga gra të reja e ambicioze deri te profesionistet me përvojë, ky takim dëshmoi edhe një herë se gratë janë forca lëvizëse e progresit. Znj. Tahiri Hasani i dëgjoi me vëmendje historitë e tyre, sfidat që kanë kaluar dhe sukseset që kanë arritur me përkushtim dhe punë të palodhur. Ajo theksoi se mbështetja për gratë është thelbësore për ndërtimin e një shoqërie më të drejtë dhe më të barabartë. “Si deputete, do të jem zëri i fuqishëm i të drejtave tuaja. Do të angazhohem me përkushtim për të shtyrë përpara ligjet që promovojnë zhvillimin, edukimin dhe fuqizimin e grave në çdo aspekt të jetës,” – u shpreh ajo. Me vizion të qartë dhe vendosmëri të palëkundur, znj. Hasime Tahiri Hasani premton të jetë një avokuese e fuqishme e të drejtave të grave dhe një mbështetëse e zgjidhjeve që sjellin ndryshim real në jetën e tyre. Ky është vetëm fillimi i një rrugëtimi të përbashkët drejt një të ardhmeje më të ndritur për të gjitha gratë!
Tahiri Hasani në Mitrovicë: Po vazhdojmë, hap pas hapi, drejt fitores së madhe më 9 shkurt
Kandidates për deputete nga Alternativa, pjesë e listës së Lëvizjes VETËVENDOSJE, znj. Hasime Tahiri Hasani iu rezervua mikpritje ngrohtë në konakun e familjes Brahimi në Kushtovë të Mitrovicës. Bashkë me të ishin edhe kandidatët për deputetë z. Agim Bahtiri dhe znj. Arjeta Fejza, deputete aktuale. Në një atmosferë plot entuziazëm, ata shpalosën arritjet katërvjeçare të qeverisë dhe vizionin për mandatin e ardhshëm. Nga ndërtimi i spitalit të ri në Mitrovicë, përfundimi i rrugës Prishtinë-Mitrovicë këtë pranverë, e deri te rinovimi i Stadiumit “Adem Jashari” në fillim të vitit të ardhshëm – projekte që po bëhen realitet për qytetarët. “Ne po vazhdojmë, hap pas hapi, drejt fitores së madhe më 9 shkurt! 500 mijë zemra që do të rrahin si një!”, ka thënë Tahiri Hasani.
Sibora Kadriu në Gjilan: Dashninë për atdhe e kam mësuar nga familjes, e kam mësuar prej paraardhësve të mi
Gjilani konfirmon fitoren e madhe: 500 mijë zemra për VETËVENDOSJE! Mbështetja e jashtëzakonshme e qytetarëve të Gjilanit në sheshin e qytetit të hënën dëshmoi edhe një herë se fitorja e Lëvizjes VETËVENDOSJE! me Albin Kurtin kryeministër është e pandalshme. Cepi më Cep Kosovës, entuziazmi dhe besimi në qeverisjen e drejtë e të ndershme po rriten çdo ditë. Në Gjilan, si kudo tjetër në Republikë, pritja ishte e ngrohtë dhe mbështetja madhështore. Qytetarët janë bashkuar fuqishëm rreth numrit 118, duke e bërë të qartë se fitorja është e popullit. Kryeministri Albin Kurti, me një mesazh të fuqishëm nga zemra e Gjilanit, u bëri thirrje të gjithë qytetarëve që deri më 9 shkurt të bashkojnë forcat për fitoren e madhe prej 500 mijë votave. Le të jemi të gjithë bashkë për të siguruar vazhdimin e qeverisë së drejtë, të ndershme dhe të dobishme të Lëvizjes VETËVENDOSJE!. Fitorja është afër, sepse fuqia është tek populli! Ai prezantoi kandidatët për deputetë nga rajoni i Gjilanit prej të cilëve më e reja në listë është znj. Sibora Kadriu, përfaqësuese e Alternativës. “ Dashninë për atdhe e kam mësuar nga familjes, e kam mësuar prej paraardhësve të mi. Unë si stërmbesë e luftëtarit, Idriz Seferi kam ardhur sot këtu me ju tregu amanetin e tij. Idriz Seferi ka thënë:” Jemi munduar tanë jetën me e ba këtë vend Shqipni, por zor tek koka bre. E sot këtu para jush po e them atë që e kish thanë stërgjyshi imp o të ishte në mesin tonë që me Levizjen VETËVENDOSJE e mundur tek koka bre”, ka thënë Kadriu.
Bashkë do të ndërtojmë një të ardhme më të mirë për Mitrovicën dhe Kosovën, është shprehur Tahiri Hasani
“Takimet dhe bashkëbisedimet me qytetarët e fshatrave të komunës së Mitrovicës janë një mundësi e çmuar për të dëgjuar nga afër shqetësimet, nevojat dhe pritshmëritë e tyre. Këto takime shërbejnë si një hap i rëndësishëm drejt ndërtimit të politikave të qëndrueshme dhe përfaqësimit të denjë të interesave të qytetarëve”, kështu ka thënë kandidatja për deputete nga Alternativa, pjesë e listës së Lëvizjes VETËVENDOSJE, znj. Hasime Tahiri Hasani. Në takim me banorë të disa fshatrave të Mitrovicës ajo është shprehur se, mbështetja e fuqishme për listën e Lëvizjes Vetëvendosje dhe partnerët e saj të koalicionit – Partinë Guxo dhe Alternativa – është një dëshmi e qartë e besimit që qytetarët kanë në vizionin dhe angazhimin tonë për një qeverisje të drejtë, transparente dhe zhvillimore. Së bashku, po ndërtojmë një të ardhme më të mirë për Mitrovicën dhe mbarë Kosovën! Bashkohuni me ne në këtë rrugëtim!
Tahiri Hasani vazhdon takimet me banorë të Mitrovicës, Cep më Cep deri në fitoren e 9 shkurtit
Kandidatja për deputete nga Alternativa, pjesë e listës së Lëvizjes VETËVENDOSJE, znj. Hasime Tahiri Hasani, po vazhdon takimet intensive me qytetarët e Mitrovicës, duke dëshmuar përkushtimin e saj për çdo lagje, familje dhe biznes në këtë qytet. Me vizitat dhe bisedat e saj të sinqerta, ku i pranishëm ishte edhe kryeministri, z. Albin Kurti, ajo po afirmon angazhimin e palëkundur për një të ardhme më të ndritur për të gjithë. Në një atmosferë të mbushur me emocion, ajo takoi familjarët e të vrarëve të pasluftës nga familjet Abrashi, Xhaka dhe të tjerë, të cilët më 3-4 shkurt në pjesën veriore të Mitrovicës dhanë jetën për lirinë dhe dinjitetin e kombit. Duke ndarë dhimbjen dhe krenarinë e tyre, ajo shprehu respektin më të madh për sakrificën që këto familje kanë bërë për Kosovën. Gjithashtu, vizitoi familjen Nuka, për të nderuar sakrificën e nënës Melihate, e cila i dha Kosovës një nga bijtë e saj më të mirë, Besim Nuka. Me përulësi dhe mirënjohje, znj. Tahiri Hasani përkujtoi kontributin e këtij dëshmori dhe përkushtimin e familjes së tij për të ardhmen e vendit. Përveç angazhimit të saj për drejtësi dhe kujdes ndaj familjeve të dëshmorëve, znj. Tahiri Hasani vizitoi edhe një shembull suksesi në fushën e biznesit – kompaninë e tekstilit të drejtuar nga Arian dhe Agron Syla. Me mbi 20 vite eksperiencë në këtë industri, kjo kompani është një burim i rëndësishëm punësimi, veçanërisht për gratë. Për këtë arsye, znj. Tahiri Hasani e konsideroi këtë model si një rrugë të sigurt për zhvillimin ekonomik të Mitrovicës dhe të Kosovës në vitet e ardhshme. “Bizneset si këto janë shtylla e ekonomisë sonë, dhe ne do t’i mbështesim me çdo mjet të mundshëm në katër vitet e ardhshme”, u shpreh ajo. Në kulmin e fushatës, lagjja Iliridë mirëpriti kandidatët për deputetë të LVV-së, në një tubim madhështor që tregoi përkrahjen e fuqishme të qytetarëve për ndryshimin. Përkrahës të panumërt nga Mitrovica dhe më gjerë u mblodhën për të konfirmuar mbështetjen e palëkundur për LVV-në, duke u bërë pjesë e fitores së madhe që po vjen. 500 mijë zemra nga e gjithë Kosova tashmë janë të bashkuara për të ardhmen që meritojmë! Fitorja e 9 shkurtit nuk është më vetëm një pritshmëri, por një realitet që po vuloset çdo ditë në çdo cep të Kosovës. Me Hasime Tahiri Hasanin dhe ekipin e saj, Mitrovica po dëshmon se është gati për një qeverisje të drejtë, të fuqishme dhe të ndershme nën udhëheqjen e Albin Kurtit. Qeveria Kurti 3 po vjen me një mandat të fortë për të vazhduar rrugën e ndryshimit dhe zhvillimit!
Tafarshiku: Me një investim shtesë prej 300.000 euro, do të rehabilitohet rrjeti i ujësjellësit në fshatrat Dol, Lipovec dhe Gërçinë të Gjakovës
Qeveria e Republikës së Kosovës vazhdon angazhimin e saj të palëkundur për përmirësimin e infrastrukturës dhe përmirësimin e cilësisë së jetës për qytetarët e saj. Zëvendësministri i Ministrisë së Zhvillimit Rajonal, z. Ali Tafarshiku ka bërë të ditur se, me një investim shtesë prej 300.000 euro, do të rehabilitohet rrjeti i ujësjellësit në fshatrat Dol, Lipovec dhe Gërçinë të Komunës së Gjakovës, duke siguruar furnizim më të qëndrueshëm dhe cilësor me ujë të pijshëm për banorët e këtyre zonave. Ai ka theksuar se ky vendim është marrë gjatë mbledhjes së Komisionit Ministror për Ndërmarrjet Publike, ku, krahas shumë kërkesave të tjera, u miratua edhe kërkesa e KRU “Gjakova” për rehabilitimin e rrjetit të ujësjellësit në këto tri fshatra. Kjo është edhe një dëshmi e qartë e përkushtimit të Qeverisë Kurti për zhvillimin e infrastrukturës bazike në të gjitha pjesët e vendit, duke garantuar që çdo qytetar të ketë qasje në shërbime cilësore dhe moderne. Investimet e tilla jo vetëm që rrisin mirëqenien e qytetarëve, por edhe kontribuojnë në zhvillimin ekonomik dhe social të rajoneve rurale.
Mitrovica e bashkuar për fitore më 9 shkurt, numri 118, zgjidhja e duhur për të ardhmen
Veriu e Jugu, cep më cep, si e gjithë Kosova, janë të bashkuar në mbështetje të zhvillimit dhe progresit. Më 9 shkurt, të gjithë do të jenë me numrin 118 për një të ardhme më të mirë! Në një tubim madhështor në sheshin e Mitrovicës, kryeministri z. Albin Kurti dhe kryetarja e Alternativës, znj. Mimoza Kusari-Lila, bashkë me kandidatët për deputetë nga lista fituese e Lëvizjes Vetëvendosje, bashkëbiseduan me qytetarët, duke ndarë vizionin për një Kosovë më të drejtë, më të fortë dhe më të zhvilluar. Gjatë fjalës së tij, kryeministri Kurti prezantoi kandidatët për deputetë nga Mitrovica, duke i cilësuar ata si përfaqësuesit më të denjë për të çuar përpara idealet dhe projektet që i duhen vendit. Ai bëri thirrje për pjesëmarrje masive në zgjedhje, duke theksuar rëndësinë e zgjedhjes së më të mirëve për të udhëhequr Kosovën në rrugën e progresit. Më 9 shkurt, Mitrovica dhe gjithë Kosova zgjedhin fitoren! Numri 118 – për zhvillim, drejtësi dhe barazi!
Kurti në Gjakovë: Formula jonë e qeverisjes është cep më cep, sepse çdo pjesë e vendit meriton të njëjtin përkushtim
Kryeministri i Kosovës z. Albin Kurti të premten gjatë tubimit në Gjakovë tha se, më 9 shkurt nuk ka zgjedhje, por referendum. Ai tha se në mandatin e ardhshëm qeveritar do të krijojnë një prokurori të re speciale, kundër krimit të organizuar e korrupsionit. “Në katër vitet e ardhshme do ta përfundojmë rrugën Prizren-Tetovë, autostradën Prishtinë-Gjilan deri te Dheu i Bardhë, rrugën Dollc-Gjakovë, Kijevë-Zahaq e Duhël-Shtime-Banullë e autostradën e Dukagjinit. Në muajt e parë të qeverisjes sonë, do të heqim taksën doganore për 10 për qind për veturat nga BE-ja, kurse me Draft-Ligjin e ri për Automjete do ta heqim kufizimin 10 vjeçar për veturat që importohen nga jashtë”, theksoi ai. Kurti tha se qeveritë e kaluara kanë keqpërdorur paratë e shtetit edhe duke iu ndihmuar kompanive të oligarve, një prej tyre ka të regjistruar biznesin në Serbi me emrin Djakovica e Peç – Serbija dhe se ata kanë dëbuar nga puna motrën e një dëshmori të luftës. Në fjalën e saj kryetarja e Alternativës, znj. Mimoza Kusari Lila ka thënë se, qeveria Kurti 3 në fitoren e 9 shkurtit në Gjakovë do ti marrin 30 mijë vota. “Gjakova e ka kuptuar se alternativa e vetme e këtyre zgjedhjeve është numri fitues 118. E Gjakovës që i ka hije emri me fitoren e Lëvizjes VETËVENDOSJE, do ta merr kurorën e shqiponjës dy krenare me udhën e hekurudhën Gjakovë-Shkodër. Fitorja jonë është fitore e gjithë Kosovës, e gjithë shqiptarisë. Me fitoren tonë fiton shteti, fiton e ardhmja, fitojnë gratë, fëmijët burrat, intelektualët, veteranët dhe nderojmë sakrificën e dëshmorëve të këtij vendi”, ka thënë ajo. Në këtë tubim janë prezantuar kandidatët për deputetë nga Gjakova.











